Беларусы заснавалі стартап, які трапіў у буйны амерыканскі акселератар
Таісія Муха і Барыс Малайчык — маладыя прадпрымальнікі з Беларусі. Са сваім стартапам Plain яны яшчэ паспяваюць у сусветны «Forbes 30 Under 30», піша тэлеграм-канал Dzik Pic.
Plain — гэта AI Design Agent ад беларусаў, які практычна адразу пасля стварэння трапіў у буйны амерыканскі акселератар TechStars'24.
Праграма праз штучны інтэлект спрашчае працу дызайнерам, якія працуюць у мэблевых бізнесах. Plain усталёўваецца на сайт кампаніі і дапамагае канчатковым карыстальнікам з дызайн-рашэннямі: адказвае на пытанні, прапануе рэлевантныя тавары, генерыруе дызайн-канцэпты і г.д. Замеры прыйдзецца зрабіць самастойна.
Заснавалі праект маладыя беларусы Таісія Муха і Барыс Малайчык.
Таісія скончыла БНТУ і працавала ў сферы інтэр’ернага дызайну, у тым ліку ў вядомым ZROBIM architects, заснавала ўласную фірму.
Нейкі час дзяўчына працавала нават у лічбавым агенцтве — пайшла туды, каб «зразумець, як робяцца стартапы».
Кафаўндэр Plain Барыс Lead Software Architect з профільнай адукацыяй і прыхільнасцю да Data. Вучыўся хлопец у Брэсцкім тэхналагічным універсітэце і Варшаўскай палітэхніцы.
Знаёмы Таісія з Барысам былі яшчэ з Беларусі, але першы агульны праект — Plain — запусцілі ў 2023 годзе ў Берліне. Пазней ім давялося пераехаць у Варшаву: там умовы для развіцця стартапа былі лепш.
Па іх словах, адбор на акселератар TechStars адкрыў для іх шмат новых магчымасцяў і знаёмстваў.
Памілаваныя 15 чалавек, сярод якіх 13 палітвязняў15
Каментары