Biełarusy zasnavali startap, jaki trapiŭ u bujny amierykanski aksieleratar
Taisija Mucha i Barys Małajčyk — maładyja pradprymalniki ź Biełarusi. Sa svaim startapam Plain jany jašče paśpiavajuć u suśvietny «Forbes 30 Under 30», piša telehram-kanał Dzik Pic.
Plain — heta AI Design Agent ad biełarusaŭ, jaki praktyčna adrazu paśla stvareńnia trapiŭ u bujny amierykanski aksieleratar TechStars'24.
Prahrama praz štučny intelekt spraščaje pracu dyzajnieram, jakija pracujuć u meblevych biźniesach. Plain ustaloŭvajecca na sajt kampanii i dapamahaje kančatkovym karystalnikam z dyzajn-rašeńniami: adkazvaje na pytańni, prapanuje relevantnyja tavary, hienieryruje dyzajn-kancepty i h.d. Zamiery pryjdziecca zrabić samastojna.
Zasnavali prajekt maładyja biełarusy Taisija Mucha i Barys Małajčyk.
Taisija skončyła BNTU i pracavała ŭ śfiery interjernaha dyzajnu, u tym liku ŭ viadomym ZROBIM architects, zasnavała ŭłasnuju firmu.
Niejki čas dziaŭčyna pracavała navat u ličbavym ahienctvie — pajšła tudy, kab «zrazumieć, jak robiacca startapy».
Kafaŭnder Plain Barys Lead Software Architect z profilnaj adukacyjaj i prychilnaściu da Data. Vučyŭsia chłopiec u Bresckim technałahičnym univiersitecie i Varšaŭskaj palitechnicy.
Znajomy Taisija z Barysam byli jašče ź Biełarusi, ale pieršy ahulny prajekt — Plain — zapuścili ŭ 2023 hodzie ŭ Bierlinie. Paźniej im daviałosia pierajechać u Varšavu: tam umovy dla raźvićcia startapa byli lepš.
Pa ich słovach, adbor na aksieleratar TechStars adkryŭ dla ich šmat novych mahčymaściaŭ i znajomstvaŭ.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary