Свет33

У Малдове дапусцілі, што Расія ў выніку перамоў па Украіне выведзе войскі з Прыднястроўя

Улады Малдовы спадзяюцца, што Расія можа вывесці сваіх вайскоўцаў з Прыднястроўя ў выніку перамоўнага працэсу ў дачыненні да Украіны. Пра гэта ў эфіры выдання Jurnal TV заявіў прэм'ер-міністр Малдовы Дорын Рэчан.

Дорын Рэчан. Фота: AP Photo/Aurel Obreja

У кіраўніка малдаўскага ўрада пацікавіліся, што павінна адбыцца, каб Расія вывела свае войскі з Прыднястроўя.

«Цяпер ёсць міжнародны кантэкст, які можа прывесці да таго, што Расія можа вывесці свае войскі з левага берага Днястра ў рамках гэтага перамоўнага працэсу. Магчыма, не абавязкова ў мірным перамоўным працэсе, гэта цяжка ўявіць у бліжэйшы час, але ў перамоўным працэсе, які тычыцца Украіны і новай архітэктуры бяспекі ЕС», — адказаў Дорын Рэчан.

З ягоных слоў, Малдова будзе намагацца, каб пытанне вываду расійскіх вайскоўцаў «было на стале перамоў». І любыя перамовы аб міры або спыненні агню ва Украіне «тычацца новай архітэктуры бяспекі ў Еўропе».

Таксама ў Рэчана спыталі, ці не плануе Малдова выслаць расійскага пасла з-за таго, што расійскія дроны часта парушаюць паветраную прастору краіны.

«Сёння мы зрабілі вельмі важны крок [гаворка пра закрыццё Расійскага культурнага цэнтра ў Кішынёве], які, прызнаю, трэба было зрабіць раней. Мы працягнем рабіць неабходныя крокі для абароны інтарэсаў нашай краіны», — падкрэсліў малдаўскі прэм'ер-міністр.

Адносна закрытага Расійскага культурнага цэнтра ён выказаўся адкрыта:

«Гэта быў не культурны цэнтр, а цэнтр з агентамі ўплыву. А тым, хто скардзіцца, мы кажам, што Малдова не мае нічога супраць рускай культуры, рускай мовы. Расія павінна паважаць малдаван і не пасылаць сваіх агентаў уплыву, якія маскіруюцца пад дзеячаў культуры».

Кіраўніцтва Малдовы, у прыватнасці прэзідэнтка краіны Мая Санду, неаднаразова настойвала на неабходнасці вываду расійскіх вайскоўцаў з Прыднястроўя. Пры гэтым Кішынёў спрабуе дамагчыся гэтага дыпламатычным спосабам. У той жа час нядаўна яна папярэджвала, што Расія спрабуе выкарыстоўваць Прыднястроўе для дэстабілізацыі сітуацыі ўнутры Малдовы. Таму Масква хоча нават умацаваць сваю прысутнасць на левым беразе Днястра.

Каментары3

  • Отец Засандолий
    14.02.2025
    Чудят блаженные.
  • Прыслоўе
    14.02.2025
    Good by Russia
  • Владислав
    15.02.2025
    Прыслоўе , Слова «goodby» пішацца разам або праз злучок: "goodby, good-by, goodbye, good-bye". (Merriam Webster dictionary)

Цяпер чытаюць

Чаму беларусы купляюць расійскія «Лады» і чаму ад іх плююцца

Чаму беларусы купляюць расійскія «Лады» і чаму ад іх плююцца

Усе навіны →
Усе навіны

«Я трываў». Айцішнік пражыў 5 гадоў без сэксу. Чаму людзі займаюцца гэтым усё радзей?35

Восем чалавек затрыманы ў Польшчы па падазрэнні ў падрыхтоўцы дыверсій

Кіраўніцу аддзела продажаў сеткі крамаў ОМА асудзілі за «садзейнічанне экстрэмісцкай дзейнасці»1

Зграя ваўкоў збегла з Беларусі ў Літву ВІДЭА13

Армія М'янмы вызваліла 2198 чалавек з махлярскай скам-фабрыкі KK Park4

Улады Тайланда асцерагаюцца зніжэння турпатоку з-за забойства беларускі2

Што трэба было куратару з КДБ ад Ліцэя БДУ да 2020 года?2

У ДАІ расказалі пра вынікі праверак на запраўках пасля абурэння Лукашэнкі2

22‑гадовая беларуска жыве ў Новай Зеландыі і расказвае, як яно19

больш чытаных навін
больш лайканых навін

Чаму беларусы купляюць расійскія «Лады» і чаму ад іх плююцца

Чаму беларусы купляюць расійскія «Лады» і чаму ад іх плююцца

Галоўнае
Усе навіны →

Заўвага:

 

 

 

 

Закрыць Паведаміць