МЗС Малдовы выставіла ВІДЭА, як расійскага пасла выклікалі для тлумачэнняў
Паслу Расіі ў Малдове Алегу Озераву прадэманстравалі рэшткі дрона, збітага на тэрыторыі краіны. На іх напісана па-руску «Герань-2».

У ноч на 13 лютага ў выніку масіраванай атакі дронаў на ўкраінскі порт у Рэні памежныя службы Малдовы зафіксавалі некалькі беспілотнікаў, якія перасеклі тэрыторыю краіны.
Адзін з дронаў упаў у поле каля вёскі Чумай. Яшчэ адзін выбухнуў у полі паміж горадам Чадыр-Лунга і сялом Валя-Пержай.
«У адказ на гэтыя правакацыі Міністэрства замежных спраў прыняло рашэнне аб аднабаковым спыненні дзеяння міжурадавага малдаўска-расійскага Пагаднення аб стварэнні і функцыянаванні культурных цэнтраў, падпісанага ў 1998 годзе. Пасля завяршэння працэдур Расійскі культурны цэнтр павінен спыніць сваю дзейнасць у нашай краіне», — заявілі пасля гэтага ў МЗС Малдовы.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
Каментары