Кіраўнік візавага агенцтва патлумачыў у сацсетках «адкуль такія цэны на запіс на візу»
Гэтае пытанне задала карыстальніца Threads. У каментары прыйшоў чалавек, які прадставіўся кіраўніком візавага агенцтва і выказаў сваё бачанне праблемы.
Ён зазначае, што для кругласутачнага маніторынгу слотаў патрэбныя немалыя рэсурсы: вэб-сервер, сотні проксі, а таксама альбо свая нейрасетка, альбо платны сэрвіс па праходжанні капчы.
Таксама, па яго словах, большасць агенцтваў не мае сваіх ботаў, а карыстаецца паслугамі IT-контрагентаў, адсюль нацэнка ў сярэднім у 40-50%, бо «бізнэс не можа працаваць з маржой 0%, арандуючы офіс і плацячы заробак 5—10 супрацоўнікам, візавыя цэнтры пастаянна ўскладняюць працэдуру запісу, што дадае дзеянняў і чалавека-гадзін у гэты працэс, гэта павялічвае выдаткі, таму расце і кошт».
Кіраўнік агенцтва зазначае, што ў Беларусі традыцыйна вялікі попыт на шэнгенскія візы, так склалася гістарычна. «У працэнтных суадносінах гэта не параўнаецца нават з 140-мільённай Расіяй, але прапускная здольнасць ВЦ і агенцтваў не такая высокая, адпаведна, каб задаволіць попыт, бясконца растуць цэны на паслугі, пакуль іх людзі яшчэ гатовыя купляць».
Ён звяртае ўвагу, што не заўсёды запіс у сціснутыя тэрміны аказваецца магчымым і гэта не залежыць ад агенцтва. Большасць з іх у такіх выпадках дае вяртанне сродкаў, што перашкаджае планаванню бюджэту такога бізнэсу. І толькі магчымасць усталёўваць высокую маржынальнасць трымае прадпрымальнікаў у гэтай сферы, а заробак сярэдняга спецыяліста не перавышае 2500 рублёў у добры месяц.
«Гэта вельмі складаны і нестабільны бізнэс, які складана весці. мне гэтая сфера падабаецца па асабістых поглядах — падарожжа, візы, сэрвіс, продажу. Я стараюся трымаць цэны ніжэй рынкавых, максімальна аптымізуючы працоўны працэс. Напрыклад, мы адмовіліся ад офіса і сышлі ў digital — мне вельмі важная і каштоўная рэпутацыя майго агенцтва і асабістага брэнда», — рэзюмуе кіраўнік агенцтва.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў13
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1717
Каментары
"Паводле паведамлення, пасольству Італіі стала вядома, што некаторыя асобы, якія добра знаёмыя дыпламатам, займаюцца ашуканствам і цішком прадаюць запісы на атрыманне віз. Тое, што гэтым асобам раней давяралі, стварае найбольшую прыкрасць.
У сувязі з гэтым італьянскія дыпламаты папярэджваюць, што падобныя выпадкі становяцца вядомымі кампетэнтным органам Італіі, а продаж запісу на візы з’яўляецца злачынствам, якое цягне за сабой адпаведную адказнасць."
Калі ўжо гэтым махлярам з візамі зачыняць калітку?