Сузаснавальніку праварадыкальнай партыі «Нацыянальны фронт» было 96 гадоў.
Лё Пэн памёр днём 7 студзення ў атачэнні блізкіх у бальніцы, куды яго шпіталізавалі некалькі тыдняў таму. Пра гэта гаворыцца ў заяве сям'і палітыка.
Жан-Мары Лё Пэн нарадзіўся 20 чэрвеня 1928 года. У 1950-х прыйшоў у палітыку і стаў самым маладым дэпутатам французскага парламента.
У 1972 годзе Лё Пэн заснаваў партыю «Нацыянальны фронт», у аснове якой былі кансерватызм, радыкалізм і нацыяналізм. Партыя выступала за выхад Францыі з НАТА, абмежаванне міграцыі і супрацьдзеянне еўраінтэграцыі.
За 40 гадоў кіравання «Народным фронтам» Лё Пэн займеў статус скандальнага палітыка-папуліста. У 2015-м з-за яго правакацыйных заяў яго выключылі з ягонай жа партыі, якую неўзабаве перайменавалі ў «Нацыянальнае аб'яднанне». Яе лідаркай сёння з'яўляецца дачка палітыка Марын.
Жан-Мары Лё Пэн пяць разоў балатаваўся на прэзідэнцкіх выбарах. У 2002 годзе ён здолеў выйсці ў другі тур, дзе прайграў Жаку Шыраку.
Каментары