Гэта песня цяпер у топе музычных хітоў. Але што значыць загадкавае слова ў прыпеве?
Песня амерыканскага выканаўца Bruno Mars і карэйскай спявачкі Rosé, якая называецца «APT.», узарвала сусветныя чарты. Іх кліп на ютубе за два месяцы сабраў 591 млн праглядаў і трымаецца на першым месцы сярод самых папулярных музычных відэа ў свеце. Пры гэтым многіх слухачоў азадачыла слова «апатэ», якое паўтараецца ў прыпеве.
«APT» — гэта лацінізаваная абрэвіятура карэйскага слова «апартаменты» (아파트). Гэтак жа называецца карэйская гульня з выпіўкай.
Як гуляць, расказвала сама спявачка Rosé ў інтэрв'ю. Пакуль вы спяваеце «апатэ», усе складаюць рукі ў цэнтр круга, хтосьці называе лічбу, і той, чыя рука ўнізе, кладзе сваю руку наверх, — і так па чарзе, пакуль вы лічыце да названай лічбы. Той, хто апошнім пакладзе руку зверху, павінен выпіць.
У самой жа песні спяваецца пра тое, як маладых людзей цягне адно да аднаго, і яны рашаюць згуляць у гэту карэйскую гульню з выпіўкай, каб пазабавіцца.
Цяпер чытаюць
18‑гадовага хлопца абвінавацілі ў адмаўленні генацыду беларускага народа29
18‑гадовага хлопца абвінавацілі ў адмаўленні генацыду беларускага народа
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары