Расія і Кітай з Іранам выкарыстоўваюць бандытаў з розных краін для самых брудных задач.
У ліпені 2020 года італьянская паліцыя канфіскавала 84 мільёны таблетак каптагону ў порце Салерна. Наркотыкі, кошт якіх ацэньваецца ў 1 мільярд еўра, былі выраблены групоўкай «Ісламская дзяржава» ў Сірыі, якая выкарыстоўвае наркатрафік для фінансавання сваіх тэрарыстычных аперацый.
Але не толькі самазваныя ўтварэнні тэрарыстычнага характару выкарыстоўваюць супрацоўніцтва з крымінальным светам для дасягнення сваіх мэтаў. Як піша The Wall Street Journal, Расія і іншыя адыёзныя аўтакратыі ўсё часцей звязваюцца з крымінальнымі арганізацыямі, каб прасоўваць свае інтарэсы і аслабіць Захад.
Напрыклад, наркабізнэс прыносіць рэжыму Башара Асада звыш $2 млрд у год. Гэтыя прыбыткі часткова дасягаюцца праз выкарыстанне вайсковых сувязяў і кантрабанду таго самага каптагону. Аналагічную тактыку выкарыстоўвае «Хезбала», накіроўваючы сродкі ад гандлю наркотыкамі на фінансаванне сваёй дзейнасці.
Лацінаамерыканскія наркасіндыкаты атрымліваюць з Кітая хімікаты, неабходныя для вытворчасці фентанілу — надзвычай моцнага сінтэтычнага наркотыку. Гэта становіцца сур’ёзнай праблемай для ЗША, бо менавіта там галоўны рынак збыту.
Усё часцей з крымінальнымі арганізацыямі супрацоўнічае і Расія. Галоўная яе мэта — стварэнне атмасферы хаосу і сабатаж на Захадзе.
Расійскае ГРУ выкарыстоўвае Telegram для найму людзей, якія адпраўляюць пасылкі з выбухоўкай або ажыццяўляюць дыверсіі.
Шмат хто з гэтых выканаўцаў нават не здагадваецца, што яны працуюць на Маскву. Як адзначаюць чэшскія спецслужбы, Крэмль пры гэтым апынаецца тыпу збоку прыпёку.
Аб’ектам дыверсій крамлёўскіх проксі можа быць што заўгодна, уключна з пасажырскімі самалётамі.
Такім чынам, мяжа паміж крымінальнымі арганізацыямі і некаторымі аўтарытарнымі рэжымамі ўсё больш сціраецца. Злачынцы атрымліваюць абарону, якая дазваляе ім беспакарана пашыраць злачынную дзейнасць, а аўтакраты — новыя магчымасці для ўзбагачэння і ўздзеяння на Захад, нягледзячы на санкцыі і эканамічныя абмежаванні.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары