Знойдзены самы ўдачлівы рыбак Беларусі: за гадзіну ён вылавіў у Мінску дзве 18-кілаграмовыя рыбіны
Валерый Малахаў удала парыбачыў на Чыжоўскім вадасховішчы.
Жыхар Мінска Валерый Малахаў за гадзіну на Чыжоўскім вадасховішчы вылавіў 18-кілаграмовага сазана і прыкладна такога ж па вазе і памерах таўсталобіка.
Валерый пачаў узмоцнена рыбачыць 5 гадоў таму. У асноўным ён палюе на драпежную рыбу. Разам з напарнікам мужчына вырашыў з'ездзіць на Чыжоўскае вадасховішча. Мэтай быў судак, але трапілася зусім іншая рыба, піша Onliner.
«Спусціліся на ваду. Гадзін з дзесяці плавалі, і недзе каля двух клюнуў сазан. Ну як клюнуў — забагрыўся. Я на спінінг лаўлю, сазан зачапіўся ніжняй часткай сківіцы. Перш за ўсё падумаў, што гэта сом. Доўга ён катаў нас на лодцы — хвілін 25, але я ўсё роўна гэтую рыбіну дастаў.
Эмоцыі былі такія, што не перадаць словамі! Вага рыбы склала 18,4 кг. Такога вялізнага сазана я злавіў упершыню ў жыцці. Да гэтага мой рэкорд быў 7-9 кг», — распавёў Віталь.
Але гэта было толькі пачатак. На працягу гадзіны ён выцягнуў з вадасховішча 18-кілаграмовага таўсталобіка.
«Таўсталобіка я ўпершыню злавіў. Раней гэтую рыбу ўвогуле не бачыў. Такі ўлоў — выпадковасць і крыху шанцавання. Галоўнае — атрымаў задавальненне, адрэналін. Рыбу патрымаў, сфатаграфаваўся і адпусціў. Мне большага не трэба», — адзначыў рыбак.
Віталь дадаў, што ў межах горада водзяцца яшчэ буйнейшыя рыбіны.
«У маёй лодцы ўсталяваны рэхалот. І ён паказваў сілуэты такіх рыб, што нават страшна было закінуць у іх бок снасць. А гэтай вясной вядомы рыбак Яўген Атрахімавіч злавіў у Чыжоўцы таўсталобіка на 35 кг. Так што монстры там плаваюць добрыя, і злавіць буйную рыбу цалкам рэальна», — лічыць Віталь.
-
Лукашэнка заявіў пра патрэбу паляпшэння адносін з Захадам «для разбору завалаў», якія «перашкаджаюць нашай працы на сусветных рынках»
-
У Мінску хочуць назваць вуліцу імем кадэбіста «Нірваны» Федасюка, які загінуў у перастрэлцы ў кватэры Зельцара
-
У Беларусі смяротнасць амаль удвая перавысіла нараджальнасць
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай12
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары