Лукашэнка хоча, каб кіраўнікі райвыканкамаў прызначалі і дырэктараў прыватных структур
На пасяджэнні прэзідыума УНС Аляксандр Лукашэнка падняў пытанне паўнамоцтваў кіраўнікоў раёнаў і высунуў нечаканую прапанову.
Лукашэнка непакоіцца, што ў краіне няма дакумента, які выразна апісвае паўнамоцтвы кіраўнікоў райвыканкамаў. На думку Лукашэнкі, ад таго, як працуюць кіраўнікі раёнаў, залежыць, як жыве краіна. Ён прапанаваў перадаць кіраўнікам райвыканкамаў больш паўнамоцтваў, у тым ліку нечаканых.
Лукашэнка хоча, каб чыноўнікі прызначалі кіраўнікоў прыватных прадпрыемстваў, якія не належаць дзяржаве.
«Нам патрэбны вычарпальны дакумент. У старшыні райвыканкама ён павінен як настольная кніжка ляжаць. Старшыня ёсць старшыня. Ён павінен займацца ўсім.
Нічога страшнага, калі ён у нейкім сэнсе будзе прызначаць, сцвярджаць, узгадняць кіраўнікоў прыватных структур. Тады і ўплыў будзе ў іх на гэта», — заявіў Лукашэнка.
Пры гэтым ён удакладніў, што паўнамоцтвы павінны адносіцца да ўсяго выканкама. Старшыня павінен уносіць прапановы, а выканкам іх зацвярджаць.
Цяпер чытаюць
«Часцей за ўсё жучок ставяць недалёка ад разетак». Як сілавікі праслухоўваюць беларусаў па тэлефоне і ў кватэрах11
Каментары