Льготны крэдыт на беларускія тавары будуць выдаваць па новых правілах
Патрабаванні да таго, што лічыць беларускімі таварамі, будуць пастрожаны.
Крэдытная праграма «На родныя тавары» была падоўжаная на 2025 год, але ёсць змены.
«Спіс тавараў, якія туды будуць уключацца, мы будзем падвязваць да лакалізацыі вытворчасці. То-бок, калі вытворца, умоўна кажучы, мэблі проста купляе камплектуючыя дзесьці за мяжой і іх складае, то гэта не будзе лічыцца беларускім вытворцам. Мы будзем рабіць больш жорсткімі патрабаванні да лакалізацыі», — анансаваў першы намеснік міністра эканомікі Андрэй Картун, перадае БелТА.
Паводле яго слоў, у пастанове ўрада №80 «Аб пацверджанні вытворчасці прамысловай прадукцыі на тэрыторыі Рэспублікі Беларусь» будзе прапісана, што такое «беларускі тавар». І спіс айчынных тавараў будзе істотна перагледжаны і дакладна будзе скарочаны, падкрэсліў першы намеснік міністра.
«Аб'ектыўна вельмі шмат вытворцаў мэблі, якія туды трапілі, выкарыстоўваюць больш за 90% імпартных складнікаў. Атрымліваецца, па сутнасці, што сродкі сыходзяць з нашай краіны, а цяпер мы будзем падтрымліваць тых, у каго высокі ўзровень лакалізацыі. Напрыклад, у нашых халадзільніках, дзе гэты ўзровень дасягае 70%», — сказаў ён.
На колькі працэнтаў тавар павінен быць беларускім, пакуль вырашаецца і будзе залежаць ад канкрэтнага тавару.
Спажывецкія крэдыты «На родныя тавары» пакуль што выдае толькі Беларусбанк на тры гады пад фіксаваную на ўвесь тэрмін крэдытавання стаўку 4% гадавых для набыцця тавараў беларускіх вытворцаў.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары