На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?
На мінулым тыдні ўпершыню за некалькі гадоў была склікана Рада па развіцці прадпрымальніцтва. Туды запрасілі ўласнікаў і менеджараў значных айчынных кампаній, а таксама кампаній з заходнім капіталам, якія працуюць у Беларусі. Старшынстваваў віцэ-прэм'ер Мікалай Снапкоў. Як стала вядома «Нашай Ніве», падчас сходу адбыўся забаўны эпізод.
У чацвер, 31 кастрычніка, упершыню за тры гады была склікана Рада па развіцці прадпрымальніцтва. На яе, паведамляе БелТА, запрасілі пад сотню прадстаўнікоў мясцовага бізнэсу, у тым ліку з замежным капіталам.
Сустрэчу вёў першы віцэ-прэм'ер Мікалай Снапкоў. Галоўнае, што на ёй прагучала, гэта абяцанне з боку ўладаў ці адмяніць, ці прынамсі відазмяніць пастанову №713 аб рэгуляванні нацэнкі, якая абмяжоўвае бізнэс.
«Цяпер пастаўлена задача пастанову №713 як інстытут адмяніць, але замест яго даць іншую сістэму правілаў, прынцыпаў фарміравання справядлівай цаны […]», — сказаў Снапкоў.
Паўдзельнічаць у фарміраванні гэтай новай сістэмы Снапкоў і прапанаваў прысутным, ужыўшы таксама такое слова як «дэбюракратызацыя».
Як стала вядома «Нашай Ніве», нялёгкую, напружаную дыскусію разрадзіў адзін з удзельнікаў, прапанаваўшы прысутным для лепшага эфекту далучыцца да флэшмоба: уключыць відэакамеру ды хорам гаркнуць у яе «Надо!».
Няясна, ці тое зрабіў правакатар, каб паглядзець на рэакцыю залы, ці то гэта такі тролінг.
Гэтую гісторыю пацвердзіў яшчэ адзін суразмоўца, чый прамы начальнік прысутнічаў на нарадзе.
«Такое сапраўды было, але калі мы ўнутры абмяркоўвалі падзею, то былі больш важныя для засяроджвання моманты. Так што такія дробязі ніхто не перапытваў, проста прамільгнула як анекдот. Але факт, што відэа не з'явілася, здымацца не сталі», — дадаў іншы менеджар.
Крычаць працоўнымі калектывамі і вайсковымі часцямі «Надо!» на камеру, а пасля выкладаць гэта ў інтэрнэт — новы крэатыў прапаганды, якая такім чынам стварае ўражанне масавай падтрымкі Аляксандра Лукашэнкі. Той заявіў, што ён быццам бы пойдзе на новы тэрмін толькі ў тым выпадку, калі «людзі скажуць яму «трэба». Насамрэч, вынік выбараў ужо прадвызначаны.
-
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення
-
Колькасць машын на польскай мяжы ўпершыню за два тыдні апусцілася ніжэй за 4000 аўтамабіляў
-
Затрыманы старшыня Паралімпійскага камітэта Алег Шэпель
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення5
Каментары