Ён таксама раскрытыкаваў Джо Байдэна за яго мяккую пазыцыю ў дачыненьні да Тэгерана.
Былы прэзідэнт ЗША і кандыдат ад Рэспубліканскай партыі Дональд Трамп выказаўся за нанясенне Ізраілем удару па ядзерных аб'ектах Ірана, піша Bild.
Падчас перадвыбарчага выступу ў Паўночнай Караліне Трамп заявіў, што ў выпадку агрэсіі Ірана варта было б спачатку нанесці ўдар па яго ядзерных магутнасцях, а потым «заняцца іншымі пытаннямі». Трамп раскрытыкаваў цяперашняга прэзідэнта Джо Байдэна за яго мяккую пазіцыю ў дачынеьнні да Тэгерана.
Байдэн раней заявіў, што не падтрымлівае такі сцэнар і гатовы абмяркоўваць дзеянні з Ізраілем, пры гэтым падкрэсліваючы, што адказ на іранскія дзеянні павінен быць прапарцыйным. Гэтая заява прагучала на фоне нядаўняга ракетнага ўдару Ірана па Ізраілі, які быў адказам на ізраільскую вайсковую аперацыю ў Ліване супраць «Хезбалы», а таксама ліквідацыю яе лідара Хасана Насралы.
Трамп жа лічыць, што менавіта ядзерная праграма Ірана — галоўная пагроза, з якой неабходна разабрацца ў першую чаргу. Ён нагадаў, што падчас яго прэзідэнцтва ў 2018 годзе ЗША выйшлі з ядзернага пагаднення з Іранам.
Экс-прэзідэнт ЗША таксама падтрымаў пазіцыю былога прэм'ер-міністра Ізраіля Нафталі Бенета, які на фоне нядаўняга канфлікту заклікаў да неадкладнага разбурэння іранскага ядзернага праекта.
Эскалацыя канфлікту на Блізкім Усходзе працягваецца: у выніку апошняй іранскай атакі было выпушчана каля 200 ракет па Ізраілю, большая частка якіх была перахопленая Ізраільскімі СПА. Ізраільскі прэм'ер-міністр Біньямін Нетаньяху заявіў, што Іран « здзейсніў сур'ёзную памылку і панясе за гэта адказнасць».
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары