Грамадства1616

Чаму ў вялікім абмене не было беларускіх палітвязняў? Адказ Вячоркі

На фоне абмену зняволенымі паміж Расіяй, Захадам і ЗША і поспехаў у гэтай справе з вызваленнем украінцаў з беларускіх турмаў «Наша Ніва» спытала ў дарадцы Ціханоўскай Франака Вячоркі, якая праца вялася па беларускіх палітвязнях і ці чакаць нам добрых навін.

Франак Вячорка. Фота: Офіс Ціханоўскай

«На вялікі жаль, гэты абмен не прывёў да вызвалення беларускіх палітвязняў. Мы ў перамовах не ўдзельнічалі, і нейкага беларускага аспекту ў гэтым абмене не было, калі не лічыць дзіўнай гісторыі з Крыгерам. Расія выкупляла сваіх шпіёнаў, а ўзамен прапанавала сваіх вязняў.

У гэтыя дні ў нас было шмат званкоў і размоваў, але, на жаль, без шанцаў,

— адказаў Вячорка.

— І праблема тут не з боку заходніх партнёраў, мы ведаем, колькі намаганняў яны прыкладаюць у справе вязняў. Мы ведаем, колькі Польшча прыкладае намаганняў у справе Пачобута. Праблема з Лукашэнкам, які як глухая сцяна. Каб такі абмен адбыўся з беларускімі вязнямі, трэба каб і з боку рэжыму была такая гатоўнасць, і каб было на каго іх абменьваць.

У еўрапейцаў няма лукашэнкаўскіх шпіёнаў, як расійскіх, на якіх можна было б мяняць людзей. Ва Украіне былі палонныя вайскоўцы, якіх яны маглі памяняць на сваіх партызан. У Нямеччыне ёсць расійскія агенты.

Магчыма, калі б Захад затрымліваў лукашэнкаўскіх агентаў, а не проста іх экстрадаваў у Беларусь, гэта мог бы быць абменны фонд.

Мы мелі надзею на вызваленне людзей з гуманітарнага спісу і, здаецца, нават Лукашэнка дасылаў патрэбныя сігналы, але, на жаль, з’ява не стала нечым масавым.

Наша задача мінімум — каб людзей пачалі вызваляць, а новых не садзіць. Пакуль тэндэнцыя адваротная — выходзіць з турмаў менш, чым з’яўляецца новых палітвязняў».

Інтэрв'ю цалкам:

«Калі б Захад затрымліваў лукашэнкаўскіх агентаў, мог бы быць абменны фонд». Вячорка — пра палітвязняў, кадравую цякучку ў Кабінеце, сітуацыю на мяжы і візы

Каментары16

  • Вызвалятар
    01.08.2024
    Лузерства на ўзроўні генаў. Адзін грантасмоктаў 30 гадоў - малы перахапіў смакталку.
  • Зброя.
    01.08.2024
    Вызвалiць беларусаў можна толькi адным шляхам i ўсё. Час ужо гэта канчаткова зразумець.
  • Anatol Starkou
    01.08.2024
    [Рэд. выдалена]

Цяпер чытаюць

Сцяпан Пуціла: Мяне спрабавалі выкрасці з дапамогай пасольства Беларусі ў Варшаве15

Сцяпан Пуціла: Мяне спрабавалі выкрасці з дапамогай пасольства Беларусі ў Варшаве

Усе навіны →
Усе навіны

Чарэшні на Камароўцы патаннелі ўтрая. Чым яшчэ выгадна закупіцца?2

Паўлючэнка: Вольга Сямашка хацела атрымаць для аўдыту менавіта фонд «Разам»21

Папулярная актрыса выпусціла мыла з вадой з уласнай ванны1

Кот здольны адрозніваць свайго гаспадара ад незнаёмца па паху3

У адной з вежаў «Брамы Мінска» здаецца двухузроўневая кватэра з шыкоўнай тэрасай3

У Лунінецкім раёне паставяць помнік клубніцам: ёсць два варыянты12

Пяць гадоў таму арыштавалі Міколу Статкевіча6

У Маладзечне зрабілі пешаходную асфальтаваную дарожку, але не дацягнулі некалькі метраў да прыпынку3

Развітанне з эрай герояў. Чым парадуе «Місія невыканальная: фінальная расплата»6

больш чытаных навін
больш лайканых навін

Сцяпан Пуціла: Мяне спрабавалі выкрасці з дапамогай пасольства Беларусі ў Варшаве15

Сцяпан Пуціла: Мяне спрабавалі выкрасці з дапамогай пасольства Беларусі ў Варшаве

Галоўнае
Усе навіны →

Заўвага:

 

 

 

 

Закрыць Паведаміць