У ДТЗ у Мінскім раёне пацярпелі пяцёра дзяцей — восем чалавек набіліся ў легкавую Audi
Кіроўца аўтамабіля не прапусціў іншую машыну, якая ехала па галоўнай дарозе.
Скрын відэа СК
У ДТЗ каля вёскі Дулічы пацярпелі пяцёра дзяцей. Здарэнне адбылося днём 24 ліпеня на 23-м кіламетры трасы Р-65 «Заслаўе-Дзяржынск-Возера».
Паводле звестак СК, кіроўца Audi 100 не прапусціў Nissan пад кіраваннем 65-гадовага мінчука, які рухаўся па галоўнай дарозе. У выніку машыны сутыкнуліся і атрымалі сур'ёзныя пашкоджанні.
Паводле папярэдняй інфармацыі, у Audi знаходзілася 8 чалавек, пяцёра з якіх — дзеці ва ўзросце ад 1,5 да 16 гадоў. З траўмамі рознай ступені цяжкасці яны шпіталізаваны ў Мінскую абласную клінічную бальніцу.
На месцы працуе следчая група.
Каментары