Лідзія Ярмошына пра свае страхі ў 2020: З парламента прабіралася чорнымі хадамі
У інтэрв'ю СТБ былая старшыня Цэнтральнай выбарчай камісіі Лідзія Ярмошына падзялілася, што ў 2020-м яшчэ да пачатку выбараў атрымлівала абразы і пагрозы. Яна сцвярджае, што такога не было да 2020 года.
«Што там гаварыць, калі з парламента мне даводзілася прабірацца чорнымі хадамі. Я выйсці не магла. І зайсці, часцяком, спакойна. І гэта ўсё было на першым этапе», — згадвае Ярмошына.
Яна кажа, што перад выбарамі запужвалі і чыноўнікаў. І панаракала, што не ўсё можна прадугледзець.
«Мы ж не можам ператварыць грамадства ў казарму. У любым выпадку яно павінна нармальна дэмакратычна развівацца і існаваць. А значыць, будзе свабода меркаванняў, будуць людзі, якія будуць сумнявацца і па-рознаму глядзець на тыя ці іншыя рэчы».
На погляд былой старшыні ЦВК, дзяржава павінна заўсёды валодаць неабходным рэзервам тых людзей, якія змогуць пераканаць тых, хто вагаецца.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары