Пераможцам конкурсу на найлепшы здымак насякомых стала фатаграфія пчол-зязюль, што займаюцца рэлаксам ФОТАФАКТ
Каралеўскае энтамалагічнае таварыства Лондана існуе з 1833 года. Яно аб'ядноўвае навукоўцаў-энтамолагаў. Конкурс на найлепшую фатаграфію праводзіцца кожны год у рамках правядзення традыцыйнага тыдня насякомых, піша Бі-бі-сі.
Пераможцам фотаконкурсу тыдня насякомых Каралеўскага энтамалагічнага таварыства Лондана ў 2024 годзе стаў Люк Чэмберс з Ёркшыра. Фотаздымак-пераможца называецца «Спячыя зязюлі».
На ёй дзве пчолы-зязюлі, што адпачываюць на сцябле травы.
«Спячыя бесхрыбетныя — рэдкая знаходка. Але ўбачыць адразу двух, ды яшчэ так блізка адзін да аднаго — гэта ўсё роўна, што выйграць у фоталатарэі», — сказаў ён.
Фотаздымак 8-гадовага Джэймі Смарта з выявай мухі-разбойніка (ктыр) заняла другое месца ў моладзевай катэгорыі.
«Аднойчы я ўстаў раніцай і вырашыў пабадзяцца па садзе з фотаапаратам, калі ўбачыў гэтую муху на траве, — распавёў ён. — Але толькі потым, калі я згрузіў здымак на камп'ютар, я зразумеў, што гэтая муха якраз у гэты момант ела іншую!»
Эбі Батэн назвала свой асабліва адзначаны здымак, зроблены на смартфоне: «Аса прыйшла на гарбату».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары