Азараў мог зняцца сам, каб пакінуць у выбарчай гонцы астатніх членаў спісу. Але пайшоў на прынцып.
На паседжанні камісіі па выбарах у Каардынацыйную раду прынята рашэнне зняць з гонкі спіс «Закон і правапарадак» на чале з Аляксандрам Азаравым.
Учора яму было прапанавана самастойна пакінуць спіс. Азараў адмовіўся, таму большасцю галасоў камісія дыскваліфікавала і Азарава, і яго паплечнікаў.
Праблема выявілася ў працэдуры — як аказалася, у выбарчай камісіі ёсць права ці адмяняць рэгістрацыю выбарчага спісу цалкам, але няма права выключаць канкрэтнага кандыдата.
З падобнай праблемай сутыкнуўся спіс «Наша справа» на чале з Розай Турарбекавай. Паколькі дзве яе паплечніцы знялі свае кандыдатуры, спіс перастаў адпавядаць патрабаванням гендарных квотаў. Таму два сябры «Нашай справы» — Віктар Саскевіч і Андрэй Жукавец — напісалі заявы аб самаадводзе. Адчапіўшы іх, спіс Розы Турарбекавай трапіць у выбарчыя бюлетэні.
Такім чынам у выбарах у Каардынацыйную раду возьмуць удзел 11 спісаў. Самі выбары пройдуць 25-27 мая на электроннай платформе.
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары
Хай робіць тое, на што здатны.