Azaraŭ moh źniacca sam, kab pakinuć u vybarčaj honcy astatnich členaŭ śpisu. Ale pajšoŭ na pryncyp.
Na pasiedžańni kamisii pa vybarach u Kaardynacyjnuju radu pryniata rašeńnie źniać z honki śpis «Zakon i pravaparadak» na čale z Alaksandram Azaravym.
Učora jamu było prapanavana samastojna pakinuć śpis. Azaraŭ admoviŭsia, tamu bolšaściu hałasoŭ kamisija dyskvalifikavała i Azarava, i jaho paplečnikaŭ.
Prablema vyjaviłasia ŭ pracedury — jak akazałasia, u vybarčaj kamisii jość prava ci admianiać rehistracyju vybarčaha śpisu całkam, ale niama prava vyklučać kankretnaha kandydata.
Z padobnaj prablemaj sutyknuŭsia śpis «Naša sprava» na čale z Rozaj Turarbiekavaj. Pakolki dźvie jaje paplečnicy źniali svaje kandydatury, śpis pierastaŭ adpaviadać patrabavańniam hiendarnych kvotaŭ. Tamu dva siabry «Našaj spravy» — Viktar Saskievič i Andrej Žukaviec — napisali zajavy ab samaadvodzie. Adčapiŭšy ich, śpis Rozy Turarbiekavaj trapić u vybarčyja biuleteni.
Takim čynam u vybarach u Kaardynacyjnuju radu voźmuć udzieł 11 śpisaŭ. Sami vybary projduć 25-27 maja na elektronnaj płatformie.
Ciapier čytajuć
Illu Dubskaha ŭ kałonii prymusili samomu sabie lazom zrezać tatuiroŭku z Pahoniaj16
Kamientary
Chaj robić toje, na što zdatny.