Uviečary ŭ kvaterach kandydataŭ u KR ad błoku Łatuški i Ruchu «Za svabodu» prajšli pieratrusy
Viadoma pra 12 vypadkaŭ.
Pa miescy rehistracyi kandydataŭ u Kaardynacyjnuju radu ad kaalicyi Paŭła Łatuški ŭ Biełarusi viečaram 23 maja prajšli pieratrusy, paviedamiła «Pozirku» jaje pres-słužba.
«U hetyja hadziny iduć masavyja pieratrusy ŭ kvaterach siabraŭ vybarčaha kamiteta «Kamanda Łatuški i Ruch «Za svabodu», jaki prymaje ŭdzieł na vybarach u KS demsił Biełarusi, i ich svajakoŭ. U kvatery prychodziać supracoŭniki KDB, ździajśniajuć pieratrusy i aryšt majomaści. Nam užo viadoma pra 12 vypadkaŭ», — skazali viečaram u kaalicyi.
Tam aktyŭnaść śpiecsłužbaŭ źviazvajuć z tym, što «režym [Alaksandra] Łukašenki baicca alternatyvy — vybaraŭ u pradstaŭničy orhan demakratyčnych sił Biełarusi».
21 maja Śledčy kamitet zavioŭ kryminalnyja spravy suprać usich udzielnikaŭ vybaraŭ u KS. Im pahražajuć kanfiskacyjaj majomaści. Fihurantami źjaŭlajucca 257 čałaviek, ich abvinavačvajuć pavodle art. 357 (zmova z metaj zachopu dziaržaŭnaj ułady), 361 (zakliki da mieraŭ abmiežavalnaha charaktaru), 361-1 (stvareńnie ekstremisckaha farmiravańnia) i 361-4 (sadziejničańnie ekstremisckaj dziejnaści) Kryminalnaha kodeksa.
Raniej Kamitet dziaržaŭnaj biaśpieki pryznaŭ usie 12 kaalicyj kandydataŭ na vybary ŭ treci skład Kaardynacyjnaj rady «ekstremisckimi farmavańniami».
Kaalicyja «Kamanda Łatuški i Ruch «Za svabodu» na vybarach u KS taksama paviedamlała pra zatrymańni blizkich u Biełarusi 20 maja.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu7
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary