Беларусам сталі часцей адмаўляць у шэнгенскіх візах. Але не толькі ім
Грамадзянам Беларусі, Расіі, Турцыі і Ірана сталі часцей адмаўляць у выдачы шэнгенскіх віз. Працэнт адмоў беларусам у 2023 годзе павялічыўся да 3,4% — у 2022 годзе гэты паказчык складаў 1,9%, пішуць schengen.news.
Працэнт адмоў расейцам павялічыўся з 10,2% да 10,6%. Грамадзянам Турцыі адмовілі ў 16,1% выпадкаў (у 2022 годзе было 15,7%). А рэкардсменам па адмовах з'яўляецца Іран: летась было адхілена каля 30,3% заявак з гэтай краіны, у 2022 годзе было 25,2% адмоў.
Усяго ў 2023 годзе было выдадзена 8,49 мільёна шэнгенскіх віз, працэнт ухваленняў склаў 82,3% — ён вырас у параўнанні з 2022 годзе (78,4%).
Лідарам па заяўках пасля доўгага перапынку стаў Кітай — грамадзяне гэтай краіны запыталі за год 1,1 млн віз. У топе таксама Турцыя (1,05 мільёна), Індыя (966 000), Марока (591 000) і Расія (520 387).
Цікава, што з амаль 8,5 млн віз, выдадзеных у 2023 годзе, 6 млн, або 54,2%, дапускалі шматразовы ўезд у Шэнгенскую зону, прычым гэтая доля крыху зменшылася ў параўнанні з папярэднім годам (58,1% у 2022 годзе).
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю33
Каментары