Biełarusam stali čaściej admaŭlać u šenhienskich vizach. Ale nie tolki im
Hramadzianam Biełarusi, Rasii, Turcyi i Irana stali čaściej admaŭlać u vydačy šenhienskich viz. Pracent admoŭ biełarusam u 2023 hodzie pavialičyŭsia da 3,4% — u 2022 hodzie hety pakazčyk składaŭ 1,9%, pišuć schengen.news.
Pracent admoŭ rasiejcam pavialičyŭsia z 10,2% da 10,6%. Hramadzianam Turcyi admovili ŭ 16,1% vypadkaŭ (u 2022 hodzie było 15,7%). A rekardsmienam pa admovach źjaŭlajecca Iran: letaś było adchilena kala 30,3% zajavak z hetaj krainy, u 2022 hodzie było 25,2% admoŭ.
Usiaho ŭ 2023 hodzie było vydadziena 8,49 miljona šenhienskich viz, pracent uchvaleńniaŭ skłaŭ 82,3% — jon vyras u paraŭnańni z 2022 hodzie (78,4%).
Lidaram pa zajaŭkach paśla doŭhaha pierapynku staŭ Kitaj — hramadzianie hetaj krainy zapytali za hod 1,1 młn viz. U topie taksama Turcyja (1,05 miljona), Indyja (966 000), Maroka (591 000) i Rasija (520 387).
Cikava, što z amal 8,5 młn viz, vydadzienych u 2023 hodzie, 6 młn, abo 54,2%, dapuskali šmatrazovy ŭjezd u Šenhienskuju zonu, pryčym hetaja dola krychu źmienšyłasia ŭ paraŭnańni z papiarednim hodam (58,1% u 2022 hodzie).
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m38
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary