Экс-гулец «Атлетыка» і «Чэлсі» выратаваў 100 чалавек ад паводкі ў Бразіліі
Інцыдэнт здарыўся на тэрыторыі штата Рыу-Грандзі-ду-Сул, што днямі зведаў катастрафічную паводку.
Экс-форвард мадрыдскага «Атлетыка» і лонданскага «Чэлсі» Дыега Коста разам з сябрамі выратаваў каля 100 чалавек ад паводкі. Інцыдэнт здарыўся на тэрыторыі штата Рыу-Грандзі-ду-Сул, што днямі зведаў катастрафічную паводку, звяртае ўвагу football.by.
Вяртаючыся дадому пасля трэніроўкі, Коста выявіў групу людзей, якім патрабавалася дапамога з-за прыроднага бедства.
Коста аказаў падтрымку, даўшы ў іх распараджэнне асабісты гідрацыкл. Потым футбаліст паклікаў сяброў, якія маюць водныя транспартныя сродкі.
Дыега Коста (яго назвалі ў гонар Дыега Марадоны, таму ў яго іспанамоўнае імя, а не звыклае партугаламоўнае імя Дыога) гуляў у свой час за «Сельту», «Атлетыка», «Чэлсі», «Вулверхэмптан». Правёў два матчы за зборную Бразіліі, але вырашыў далей гуляць за Іспанію.
Цяпер ён выступае за «Грэміа» з бразільскага Порту-Алегры, што знаходзіцца менавіта ў штаце Рыу-Грандзі-ду-Сул.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя11
Каментары