Грамадства

Журналісту Аляксандру Ігнацюку прысудзілі вялікі тэрмін зняволення

У судзе Столінскага раёна 5 красавіка асудзілі 53-гадовага журналіста і відэаблогера Аляксандра Ігнацюка. Палітзняволенага прызналі вінаватым у арганізацыі пратэстаў у Століне і Мінску, паклёпе на Лукашэнку і вымагальніцтве. Журналісту прысудзілі 6 гадоў калоніі і вялікі штраф, даведалася «Вясна». Суд цягнуўся з 15 сакавіка і адбываўся ў закрытым рэжыме.

Аляксандр Ігнацюк

Журналіста прызналі вінаватым паводле трох артыкулаў Крымінальнага кодэкса: ч. 1 арт. 342 (арганізацыя дзеянняў, якія груба парушаюць грамадскі парадак), ч. 2 арт. 367 (паклёп на Лукашэнку), ч. 1 і ч. 2 арт. 208 (вымагальніцтва).

Згодна з версіяй абвінавачвання, Аляксандр Ігнацюк у жніўні 2020 года, знаходзячыся на тэрыторыі Столінскага і Пінскага раёнаў Брэсцкай вобласці,

«арганізоўваючы групавыя дзеянні, якія груба парушаюць грамадскі парадак і спалучаныя з відавочным непадпарадкаваннем законным патрабаванням прадстаўнікоў улады ў г. Століне і г. Мінску, з мэтай публічнага вядзення дэструктыўнай дзейнасці, размясціў у сацыяльных сетках публікацыі, якія заклікаюць да групавых дзеянняў, якія груба парушаюць грамадскі парадак і спалучаныя з відавочным непадпарадкаваннем патрабаванням прадстаўнікоў улады».

Ён жа нібыта ў жніўні 2020 года

«наўмысна размясціў у сетцы інтэрнэт інфармацыю абразлівага і паклёпніцкага характару ў дачыненні да Аляксандра Лукашэнкі, якая змяшчае загадзя ілжывыя, якія не адпавядаюць рэчаіснасці, ганебныя і зневажаюць гонар, годнасць і аўтарытэт кіраўніка дзяржавы звесткі, злучаныя з абвінавачваннем у здзяйсненні цяжкага і асабліва цяжкага злачынстваў».

Акрамя гэтага, журналіста абвінавацілі ў вымагальніцтве. Так, згодна з версіяй абвінавачвання, Іганцюк на працягу 2021 і 2022 гадоў

«у карыслівых мэтах, жадаючы ўзбагаціцца за кошт іншых грамадзян, пад пагрозамі распаўсюджвання паклёпніцкіх звестак і абвяшчэння іншых звестак, якія пацярпелыя жадалі захаваць у таямніцы, а таксама ганебныя і ганяць гонар, годнасць і дзелавую рэпутацыю, неаднаразова вымагаў грашовыя сродкі і іншую маёмасць у прадпрымальнікаў Столінскага раёна».

На судзе Аляксандр віну паводле ч. 1 арт. 342 і ч. 2 арт. 367 КК прызнаў часткова, а паводле ч. 1 і ч. 2 арт. 208 КК — не прызнаў. Пры гэтым ён прызнаў заяўленыя пазоўныя патрабаванні пацярпелага аб спагнанні маёмаснай шкоды ў памеры 1800 рублёў.

У выніку суд Столінскага раёна прызначыў яму на падставе ч. 1 арт. 342 КК пазбаўленне волі на тэрмін два гады; паводле ч. 2 арт. 367 — тры гады калоніі; паводле ч. 1 арт. 208 КК — адзін год калоніі, на падставе ч. 2 арт. 208 КК — чатыры гады са штрафам у памеры 200 базавых велічынь на суму 8000 рублёў.

Шляхам частковага складання асноўных пакаранняў з далучэннем дадатковага пакарання канчаткова журналісту прызначылі пакаранне ў выглядзе пазбаўлення волі на тэрмін шэсць гадоў з адбываннем пакарання ў папраўчай калоніі ва ўмовах узмоцненага рэжыму са штрафам у памеры 200 базавых велічынь на суму 8000 рублёў. Таксама пастаноўлена спагнаць з Ігнацюка на карысць «пацярпелага» маёмасны ўрон у памеры 200 базавых велічыняў (1800 рублёў).

У журналіста таксама канфіскавалі ноўтбук як «сродак здзяйснення злачынства».

Аляксандра Ігнацюка затрымалі 18 ліпеня 2023 года. Пра гэта стала вядома выпадкова: ён даўно жыў адзін у аддаленай вёсцы Пінскага раёна, а сябры занепакоіліся адносна ягонага лёсу пасля таго, як ён цягам некалькіх тыдняў не выходзіў на сувязь.

МУС апублікаваў відэа жорсткага затрымання журналіста толькі ў сакавіку 2024 года. 

Каментары

Цяпер чытаюць

Былы памочнік Лукашэнкі Ігар Брыло прызнаў, што набраў хабараў на $2 мільёны10

Былы памочнік Лукашэнкі Ігар Брыло прызнаў, што набраў хабараў на $2 мільёны

Усе навіны →
Усе навіны

У Крыме ўпершыню знішчаны два расійскія самалёты-амфібіі Бе-12 — ГУР

Міністр абароны Ізраіля: Палесцінскай дзяржавы ніколі не будзе10

«Не можам трапіць у Беларусь». Утварылася чарга на латвійскай мяжы, аўтобусы стаяць з вечара4

На вайне загінуў польскі паліцэйскі, які ваяваў на баку Расіі5

«Ты села ў турму і не падумала пра мяне». Ларыса Шчыракова пра пачуццё віны перад сынам4

Кіраўнік БРСМ стаў галоўным ідэолагам Мінска4

Будаўніцтва метро ў Шабаны палічылі немэтазгодным?

Сталі вядомыя новыя дэталі ў маштабнай справе арганізатараў канцэртаў5

Пашырэнне метро, знос старой забудовы. Падвялі вынікі абмеркавання новай рэдакцыі генплана Мінска1

больш чытаных навін
больш лайканых навін

Былы памочнік Лукашэнкі Ігар Брыло прызнаў, што набраў хабараў на $2 мільёны10

Былы памочнік Лукашэнкі Ігар Брыло прызнаў, што набраў хабараў на $2 мільёны

Галоўнае
Усе навіны →

Заўвага:

 

 

 

 

Закрыць Паведаміць