Грузавікоў шмат, легкавых мала. Што адбываецца на межах Беларусі праз тыдзень пасля закрыцця двух пунктаў пропуску
З 1 сакавіка Літва закрыла два пункты пропуску на мяжы з Беларуссю — «Райгарад» («Прывалка») і «Лаварышкі» («Катлоўка»). З тых часоў чэргі для грузавікоў сталі расці. Office Life паглядзеў, ці змянілася сітуацыя за тыдзень.
На беларуска-літоўскай мяжы цяпер працуюць усяго два пункты пропуску. У пункце пропуску «Меднікі» / «Каменны Лог» на 16:00 9 сакавіка ў чарзе стаялі 960 грузавікоў. Тыдзень таму ў гэты ж самы час чарга была з 700 фур.
Такая самая сітуацыя і ў пункце пропуску «Салечнікі» / «Беняконі» — 965 фур. Тыдзень таму тут было 670 грузавых аўтамабіляў.
Што тычыцца легкавых аўтамабіляў, то чарга па стане на 16:00 была толькі ў «Беняконях» — 10 машын. Тыдзень таму чаргу з 30 легкавых аўто фіксавалі на ўезд у «Каменным Логу».
Мяжа з Латвіяй
Паміж Беларуссю і Латвіяй на гэты момант працуе ўсяго адзін пункт пропуску — «Грыгароўшчына» («Патэрніекі»). Там на 16:00 9 сакавіка ўезду ў ЕЗ чакалі 565 грузавікоў. Тыдзень таму ў гэты ж час у чарзе стаялі ўсяго 380 фур.
Для легкавікоў чэргаў на 16:00 9 сакавіка, як і тыдзень таму, няма.
Мяжа з Польшчай
Самыя сціплыя чэргі з грузавікоў фіксуюць у пункце пропуску «Казловічы» («Кукурыкі») на мяжы з Польшчай. Там уезду ў ЕС чакаюць усяго 50 фур. Аднак тыдзень таму ў гэты час тут і зусім не было чэргаў.
На 16:00 9 сакавіка ўезду ў ЕС у «Брэсце» («Тэрэспалі») чакалі тры аўтобусы. У мінулую суботу ў гэты ж час было 30 легкавых машын і 10 аўтобусаў.
Каментары