Наогул гэта першае галявое дзеянне беларускага хакеіста ў 2024 годзе.
Што праўда, ягоны «Вашынгтон» саступіў «Фларыдзе» з лікам 2:4.
На 35-й хвіліне Протас перахапіў шайбу ў сярэдзіне пляцоўкі, аддаў пас Сгарбосе, той хутка адправіў шайбу Монтэ, які ў адзін дотык пераправіў шайбу ў вароты.
Беларус перапыніў серыю з 14 матчаў без набраных балаў. Гэта першае галявое дзеянне ў 2024 годзе.
У сезоне Аляксей у 48 матчах набраў 19 (3+16) балаў, пры паказчыку карыснасці «-5» і 4 хвілінах штрафу.
«Вашынгтон» з 51 балам у 49 матчах займае 12-е месца ў Усходняй канферэнцыі.
Таксама варта зазначыць, што Аляксандр Авечкін закідвае шайбу трэці матч запар. Зараз у расіяніна, які гоніцца за вечным рэкордам Уэйна Грэцкі, 833 шайбы (11 у гэтым сезоне) у рэгулярным чэмпіянаце. У Грэцкі, што даўно скончыў кар'еру, 894.
Такім чынам адставанне складае 61 шайбу. Але раней Авечкін у сярэднім закідваў па 45 шайбаў за сезон у рэгулярцы.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары