«Адна з костак разламалася на тры часткі». Стрыжак расказаў, як зламаў руку
Сузаснавальнік «Байсол» Андрэй Стрыжк апошнія месяцы з'яўляўся ў кадры з перавязанай рукой. Ён расказаў, як атрымаў траўму.
Здарэнне адбылося ў Вільні.
«30 кастрычніка падлетак бег праз Белы мост, па якім я ехаў на арэндным самакаце і на якім мы сутыкнуліся. Ён выскачыў мне літаральна пад кола і выйшаў з гэтай гісторыі моцна напужаны, але без адзінай драпіны, а я атрымаў пералом і вывіх дзвюх костак правай рукі ў трох месцах. Адна з костак разламалася на тры часткі, якія парвалі мяса ўнутры рукі.
Паліцыя. Хуткая. Пяць з паловай гадзін аперацыі. Дзве стальныя пласціны і 18 балтоў. Два з паловай месяцы з лангетай. На мінулым тыдні я яе зняў», — распавёў Стрыжак у фэйсбуку.
Ён кажа, што выдатна ўмее кіраваць самакатам.
«Я тры гады быў карыстальнікам электрасамаката і выдатна валодаю тэхнікай кіравання ім у любых умовах, але трапіў у здарэнне на роўным месцы, цвярозы і на не самай вялікай (18 км/г) хуткасці. Бо ты ніколі не кантралюеш паводзінаў іншых людзей, асабліва падлеткаў, якія гуляюцца ў даганялкі ля праезнай часткі».
Андрэй піша, што з трох пераломаў у яго пакуль зросся толькі адзін. Нягледзячы на тое, што разламаная на тры часткі костка так і не зраслася, рука амаль цалкам функцыянуе, бо трымаецца на стальных пласцінах.
«Незрастанне косткі можна зафіксаваць дыягназам толькі праз паўгода пасля пералому. Калі яна не зрасцецца, у мяне будуць браць донарскі матэрыял са сцягна і зрошчваць руку з падсадкай косткі», — апісвае ён перспектывы, але захоўвае аптымізм.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары