Пра тое, што Слуцкі хлебазавод больш не будзе выпускаць хлеб пад назвай «Бульбаш», паведаміў у фэйсбуку «моўны інспектар» Ігар Случак. У 2018 годзе, то-бок пяць гадоў таму, ён разам з Алінай Нагорнай запусціў кампанію «Стоп Бульбаш», выступіўшы супраць выкарыстання абразлівага слова ў назве беларускага прадукта.
«Хлеб «Бульбаш» выпускаўся Слуцкім хлебазаводам з 2007 года і, па словах самога завода, лічыўся яго ці не галоўным брэндам, які перамагаў на розных конкурсах. У 2018 годзе мы пачалі кампанію «Стоп Бульбаш» як супраць самога абразлівага слова «бульбаш», так і супраць літары Ъ на беларускіх шыльдах і этыкетках. Менавіта супраць хлеба мы тады збіралі подпісы случакоў і падавалі калектыўны зварот. Тады хлебазавод ад меркавання людзей адмахнуўся і прыбіраць абразлівую назву з пакунка хлеба не стаў.
Але мы не пакінулі гэтую справу і працягвалі не толькі выбіваць бульбаша з асартыменту завода, але і беларусізаваць Слуцкі хлебазавод — беларускай мовы на яго этыкетках не было.
І вось прайшло 5 год, скончваецца 2023 год, і мы маем калядныя падарункі — беларуская мова на новых відах прадукцыі Слуцкага хлебазавода з’яўляецца ці не кожны квартал, а хлеб «Бульбаш» нарэшце зняты з вытворчасці», — напісаў Случак.
Ігар Случак і Аліна Нагорная — заснавальнікі ініцыятывы «Умовы для мовы», якая займаецца абаронай і папулярызацыяй беларускай мовы. Яны да апошняга заставаліся ў Беларусі, аднак пасля таго, як іхнія акаўнты ў сацсетках «Наша мова» і «Нашая мова» былі прызнаныя «экстрэмісцкімі матэрыяламі», з’ехалі з краіны і цяпер жывуць у Літве.
Карціна з коцікамі за 1000 еўра і гербарый за 250. Якія лоты прадалі на аўкцыёне, каб сабраць грошы на падарункі дзецям палітвязняў
«Байсол» аб'явіў акцыю «Падорым дзецям цуд», Ігар Случак падтрымаў яе аўкцыёнам
«На нас глядзелі як на вар’ятаў. Доктарка адмовілася прымаць роды, бо мяне маглі пазнаць». Як сям'я Нагорнай і Случака хавалася ад сілавікоў
BYSOL эвакуяваў сям’ю Ігара Случака і Аліны Нагорнай
Цяпер чытаюць
Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?2
Каментары