79-гадоваму жыхару Рэчыцы паступіў званок, нібыта яго дачка трапіла ў сурʼёзнае ДТЗ і на яе лячэнне тэрмінова патрэбныя грошы. Усхваляваны пенсіянер пагадзіўся перадаць 5 тысяч рублёў. За грашыма павінен быў заехаць курʼер, распавядае гомельская міліцыя.
У той жа дзень рэчыцкаму таксісту паступіў заказ на дастаўку пакета з райцэнтра ў Мінск. Невядомы сказаў, што нікога везці не трэба, проста забраць рэчы з пэўнага адрасу і прывезці ў сталіцу. Паабяцаў паездку шчодра аплаціць.
Ужо на месцы кіроўца таксі, пагаварыўшы з пенсіянерам, зразумеў, што працуюць ашуканцы па вядомай схеме. Мужчына патэлефанаваў сваякам пажылога чалавека, патлумачыў сітуацыю, а заказ адмяніў.
Праз некалькі месяцаў міліцыя затрымала 20-гадовага хлопца. Той распавёў, што працу курʼерам знайшоў у мэсэнджары. Усведамляў, што працуе на тэлефонных ашуканцаў, але за заказ узяўся.
Каб самому не «свяціцца», заказаў таксоўку. Але ўсё пайшло не па ягоным сцэнары.
Цяпер чытаюць
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары