Міністэрства культуры і нацыянальнай спадчыны Польшчы ў сваіх сацыяльных сетках паведаміла, што 1 снежня ва ўзросце 82 гадоў памерла вядомая мастацтвазнаўца Марыя Каламайска-Саед. Адным з кірункаў яе навуковых зацікаўленасцяў была сакральная архітэктура Вялікага Княства Літоўскага.
«Яе навуковыя інтарэсы былі сканцэнтраваныя на польскім сучасным мастацтве, асабліва барока з абшараў шматнацыянальнай і шматканфесійнай Рэчы Паспалітай. Яна працавала ў майстэрнях Цэнтра захавання помнікаў у Варшаве, а потым да выхаду на пенсію ў Інстытуце мастацтва Польскай акадэміі навук», — паведамляецца ў афіцыйным некралогу.
Як адзначаецца, «акрамя правядзення палявых работ, звязаных з чарговымі тамамі «Каталога помнікаў мастацтва ў Польшчы», разам з групай студэнтаў-мастацтвазнаўцаў Варшаўскага ўніверсітэта, а затым і навуковымі супрацоўнікамі Інстытута мастацтва Польшчы Акадэміі навук
яна інвентарызавала больш за трыста аб’ектаў сакральнай архітэктуры з тэрыторыі былога Вялікага Княства Літоўскага.
Плёнам гэтых дзеянняў сталі тамы манаграфій рымска-каталіцкіх касцёлаў, кляштараў і капліц колішніх Наваградскага, Віленскага і Троцкага ваяводстваў, якія належаць да манументальнай серыі «Materiały do dziejów sztuki sakralnej», выдаванай пад навуковай рэдакцыяй прафесара, доктара габілітаванага Яна К. Астроўскага».
Таксама гэтая мастацтвазнаўца была аўтаркай уступу да выдання «Гродзенскі сабор», выдадзенага Міністэрствам культуры і нацыянальнай спадчыны Польшчы ў 2016 годзе.
Марыя Каламайска-Саед была сярод іншага сяброўкай Польска-беларускай кансультацыйнай камісіі па справах культурнай спадчыны і ўвогуле, як адзначаюць тыя, хто яе ведаў, вельмі прыязна ставілася да Беларусі і беларусаў.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы48
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары