19 лістапада памёр вядомы беларускі фізік-тэарэтык, член-карэспандэнт Нацыянальнай акадэміі навук Беларусі, доктар фізіка-матэматычных навук, прафесар Леў Тамільчык. Яму было 92 гады.
Нарадзіўся Леў Тамільчык 1 красавіка 1931 года ў Мінску. У 1954-м з адзнакай скончыў фізіка-матэматычны факультэт БДУ і паступіў у аспірантуру БДУ, дзе займаўся пад кіраўніцтвам акадэміка Фёдара Фёдарава.
У 1957-м Тамільчык перайшоў у Інстытут фізікі АН БССР, дзе працаваў практычна ўсё жыццё, у 1987—2004 гадах загадваў лабараторыяй тэарэтычнай фізікі, пасля быў галоўным навуковым супрацоўнікам лабараторыі фундаментальных узаемадзеянняў. У 1963—1970 гадах таксама займаў пасаду вучонага сакратара Аддзялення фізіка-матэматычных навук АН БССР.
Навуковыя інтарэсы Тамільчыка былі звязаныя з тэарэтычнымі пытаннямі электрадынамікі, фізікі элементарных часціц, метадалагічнымі асновамі навукі. Кандыдацкую дысертацыю ён абараніў па тэме «Электрамагнітныя хвалі ў праводных магнітных анізатропных асяроддзях», а доктарскую — па тэме «Дуальная інварыянтнасць і магнітны зарад у электрадынаміцы». Таксама пад яго непасрэдным кіраўніцтвам былі абароненыя 11 кандыдацкіх і 1 доктарская дысертацыя.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў7
Каментары