Гадавая інфляцыя ў кастрычніку, паводле даных Нацыянальнага статыстычнага камітэта, была роўная 3,7%. У верасні яна складала ўсяго 2%.
Індэкс спажывецкіх цэн на тавары і паслугі ў кастрычніку ў параўнанні з вераснем склаў 100,6%, а ў параўнанні са снежнем 2022-га — 104,3%.
Паводле звестак Белстата, харчовыя тавары за год падаражэлі на 4,3%, а нехарчовыя тавары сталі таннейшымі на 0,3%. Кошт паслуг павялічыўся на 7,9%.
У параўнанні з вераснем харчовыя тавары сталі даражэйшымі на 1,2%, а нехарчовыя падаражэлі на 0,4%. Пры гэтым паслугі патаннелі на 0,1%.
За месяц больш за ўсё падаражэла гародніна — адразу на 25,1%. Сярод нехарчовых тавараў лідзіруюць лекі, якія дадалі 2%, а сярод паслуг — паслугі ў сферы культуры, дзе зафіксавалі рост у аб'ёме 1,2%.
Цяпер чытаюць
Латвія «па тэхнічных прычынах» закрыла мяжу з Беларуссю8
Каментары