Навука і тэхналогіі

Навукоўцы ўпершыню аднавілі РНК вымерлай жывёлы. Яны спадзяваюцца вярнуць у свет страчаныя віды

Групе даследчыкаў удалося вылучыць РНК векавой даўніны з тылацына, таксама вядомага як тасманскі тыгр.

Фота: Love Dalén

Апошні вядомы тылацын — самы буйны сумчаты драпежнік апошніх часоў — памёр у тасманійскім заапарку Beaumaris у 1936 годзе.

Але нядаўна гэтая жывёла стала аб'ектам намаганняў па аднаўленні вымерлых відаў, і цяпер групе даследчыкаў удалося аднавіць РНК істоты. Упершыню гэтая працэдура была здзейсненая для жывёлы, якая вымерла.

Даследчыкі вылучылі, секвенавалі (секвенаванне ўяўляе сабой вызначэнне амінакіслотнай або нуклеатыднай паслядоўнасці) і прааналізавалі РНК (рыбануклеінавую кіслату) з прыкладна 130-гадовага ўзору тылацына (Thylacinus cynocephalus) у Стакгольмскім музеі натуральнай гісторыі. Даследаванне каманды, якое апісвае аднаўленне і тлумачыць яго карыснасць, было апублікавана ў Genome Research.

Фота: Love Dalén

РНК — гэта малекулярная структура, якая (як і ДНК) складаецца з нуклеатыдаў. РНК адналанцуговая, яна выкарыстоўваецца ў сінтэзе бялку і нясе генетычны матэрыял у некаторых вірусах. У апошнім даследаванні навукоўцы ідэнтыфікавалі РНК са скуры высушанага ўзору тылацына і тканак шкілетных цягліц, якія кадуюць бялкі.

Тылацыны ў Нацыянальным заапарку Вашынгтона ў 1902 годзе. Фота: Wikimedia Commons

Тылацын — таксама званы тасманскім тыграм або сумчатым ваўком — быў драпежнай сумчатай жывёлай і эндэмікам Тасманіі (а ў больш старажытным мінулым і Аўстраліі).

Як гэта вельмі часта бывае, тасманскі тыгр найбольш пацярпеў ад рук людзей, калі ў канцы XIX і пачатку XX стагоддзяў на яго пачалі празмерна паляваць пасля абвінавачванняў з боку тасманійскага ўрада ў забойствах свойскай жывёлы. Па даных Нацыянальнага музея Аўстраліі, жывёлу таксама падштурхнула да вымірання страта асяроддзя пражывання і занесеныя звонку на востраў хваробы.

Сям'я тылацынаў з дзіцянятамі / Фота: Wikimedia Commons

Нядаўна кампанія Colossal Biosciences, якая займаецца аднаўленнем вымерлых відаў, заявіла, што паспрабуе стварыць проксі-від тылацына і ўвесці яго ў лясы Тасманіі, якія гэты від насяляў стагоддзе таму.

Кампанія таксама заяўляе, што плануе стварыць проксі-віды шарсцістага маманта і птушкі дадо — знакавых вымерлых відаў, якія зніклі прыкладна 4000 і каля 350 гадоў таму адпаведна.

Аднак, па словах даследчыкаў, якіх цытуе Gizmodo, адраджэнне тасманскага тыгра не было і не ёсць галоўнай мэтай даследавання, а ёсць толькі фонам для даследаванняў РНК.

Каманда спадзяецца, што ўсе навуковыя распрацоўкі, неабходныя для ажыўлення вымерлых відаў, прынясуць карысць навуцы і грамадству ў цэлым: ад тэхналогіі рэдагавання генаў да экстракарпаральнага апладнення або вылічальных прылад, неабходных для аналізу даных.

Чытайце таксама:

Новы фенікс: навукоўцы блізкія да таго, каб уваскрэсіць вымерлы від птушак

200 тон костак і плоці. Навукоўцы знайшлі кандыдата ў самыя цяжкія жывёлы ў гісторыі Зямлі

Зубны камень неандэртальцаў даў матэрыял для антыбіётыку новага пакалення

Каментары

Цяпер чытаюць

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку

Усе навіны →
Усе навіны

Лукашэнка пракаментаваў збіццё сабакі ў Гродне і расказаў пра сваё трапяткое стаўленне да жывёл10

Дроны УСУ ўдарылі па двух расійскіх аб’ектах ВПК

Уладальніца беларускага брэнду жаночага адзення Moshe здзівілася шалёным цэнам канкурэнтаў11

Ізраіль наносіць новы ўдар па Іране3

«Прапанаваў грошы». Беларуска распавяла, як КДБ спрабаваў яе вербаваць1

Іранскія ракеты забілі 5 чалавек у Ізраілі, больш за 80 параненыя. Цэлі былі выпадковыя2

«У наш час у Хрыста была б жоўтая бірка». Былы палітвязень Аляксандр Тарасенка распавёў пра свой досвед за кратамі2

«Уратавалі заторы». Студэнтка спазнілася на фатальны рэйс Air India усяго на 10 хвілін, і яе не пусцілі на борт3

Аятала Хаменеі: Ізраіль адкажа за гэтыя атакі3

больш чытаных навін
больш лайканых навін

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку

Галоўнае
Усе навіны →

Заўвага:

 

 

 

 

Закрыць Паведаміць