Уладальнік букмекерскай канторы PariMatch падаў у суд на прэзідэнта Украіны Уладзіміра Зяленскага ў сувязі з уведзенымі супраць кампаніі ўкраінскімі санкцыямі, піша РБК.
Указ аб санкцыях, як сказана ў пазове, быў падпісаны «без належных і дастатковых на тое падстаў», а Зяленскі не растлумачыў абставінаў, якія сталі прычынай для ўвядзення абмежаванняў.
PariMach падкрэсліла, што пасля 24 лютага 2022-га яна спыніла любое супрацоўніцтва з расійскімі кампаніямі і прымае ўсе магчымыя меры, каб спыніць выкарыстанне абʼектаў сваёй інтэлектуальнай уласнасці на тэрыторыі Расіі. Акрамя таго, яе бенефіцыяры — грамадзяне Украіны, а сярод акцыянераў няма расіян, што пацвердзіла праверка рэгулятара.
Пазоў зʼявіўся ў базе 11 жніўня, першае пасяджэнне прызначана на 5 верасня.
Санкцыі супраць PariMatch былі ўведзеныя ў сярэдзіне сакавіка тэрмінам на 50 гадоў. Санкцыі былі ўведзеныя і супраць іншых букмекерскіх кантор.
«Гэта больш за 280 кампаній і 120 чалавек, якія з-за схем з ігральным бізнэсам працавалі супраць Украіны, выводзілі сродкі з нашай дзяржавы і фінансавалі розныя расійскія камбінацыі», — растлумачыў тады Зяленскі.
-
«Мануэла Лукашэнка». У Германіі кіраўніцу рэгіёна абразілі параўнаннем з беларускім дыктатарам
-
ЗША выпадкова дэпартавалі мексіканца, якога падазраюць у найбуйнейшым рабаванні каштоўнасцей у гісторыі краіны
-
У «Доме вольнай Беларусі» ў Львове ўшанавалі памяць Міхаіла Жызнеўскага. Там цяпер захоўваецца і помнік герою
Цяпер чытаюць
Зяленскі ў Вільні: Пакуль шпіц Лукашэнкі мае больш правоў, чым народ Беларусі26
Каментары