Азаронак: Універсітэты — гэта авангард дзяржаўнай думкі. Дык якога чорта ніводзін рэктар не пад санкцыямі?
Наведванне Аляксандрам Лукашэнкам Беларускага дзяржаўнага ўніверсітэта натхніла Рыгора Азаронка на развагі аб ролі інтэлігенцыі. Азаронка паслухала «НВ».
«Бацька вам і тэатры, і кафедры, і ўніверсітэты. Кніжкі хочаце — наце. Пішыце, тварыце. А ніхто не задаваўся пытаннем, нібыта ж універсітэты — гэта авангард дзяржаўнай думкі. Дык якога чорта ніводзін рэктар не пад санкцыямі?
А акрамя некалькіх выключэнняў, хто-небудзь з вас асудзіў знішчэнне царквы ва Украіне ці разгул фашызму? А дзе працы аб згубнасці сучаснага лібералізму? А дзе сучасныя п'есы і фільмы пра сусветны пералом? Што? Не цікава вам? Цікавей бясконцыя дысертацыі другога сорту пісаць пра гендары? Жэрці крошкі з заходняга атрутнага стала ды жадана марыць пракаціцца на сімпозіум? Ножкі прамачыць баіцеся? Дык мы вас замочым!
Бацька добры. Але пытанні стаяць. З кім вы, майстры культуры? Яго перад вамі ласкава ставяць. Але калі працягнуцца гэтыя свінскія паводзіны, то яго паставяць у стылі Жданава», — сказаў Рыгор Азаронак.
«Шкада, не было на вас Берыі, Сталіна і Жданава. Каб ставіць у стойла, каб спытаць: пачым вы, майстры культуры?»
Сам Лукашэнка ў БДУ запэўніваў, што ніхто нікога не збіраецца шчаміць і ціснуць, і не трэба наскокваць адно на аднаго, што павінны быць розныя меркаванні, што не трэба «ламаць адно аднаму рэбры».
Што ж тычыцца сумна вядомага савецкага партыйнага дзеяча Андрэя Жданава, на досвед якога спасылаецца Азаронак, то гэта ён у жніўні 1946 года выступіў з дакладам, у якім асуджаліся вершы Ганны Ахматавай і сатырычныя апавяданні Міхаіла Зошчанкі. Зошчанка быў ахарактарызаваны як «падонак літаратуры», а паэзія Ахматавай была названая Жданавым «цалкам далёкай ад народа». Да прадстаўнікоў «рэакцыйнага цемрашальства і рэнегацтва ў палітыцы і мастацтве» былі аднесены Дзмітрый Меражкоўскі, Вячаслаў Іваноў, Міхаіл Кузмін, Андрэй Белы, Зінаіда Гіпіус, Фёдар Салагуб.
Цяпер чытаюць
Беларус набыў кватэру ў Іспаніі, але яе занялі акупасы. Цяпер ён не можа яе вярнуць44
Каментары
Если, вас, обоих, рассматривать как части мафиозной, преступной группировки, которая незаконно и силой захватила власть в Беларуси и силой её удерживает, силой подчиняет мафии университеты, предприятия, государственные органы и госучреждения, тогда да, как преступная мафия, ты и твой батька-ябатька имеете отношения ко всем преступлениям по разрушению государства беларусов.