Гомельскага прадпрымальніка асудзілі на тры гады калоніі за «фінансаванне экстрэмісцкага фармавання»
Гомельскі абласны суд прысудзіў прадпрымальніка Юрыя Ташкінава да 3 гадоў калоніі паводле абвінавачвання ў «фінансаванні экстрэмісцкага фармавання» (артыкул 361-2 КК) і распальванні варожасці (артыкул 130 КК), паведамляе «Гомельская вясна».
Справу разглядалі ў закрытым рэжыме, таму яе падрабязнасці невядомыя.
Паводле інфармацыі «Флагштока», абвінавачванне прадпрымальніка звязана з тым, што ён пераводзіў грошы на дапамогу Украіне праз фонд Bysol. Пасля поўнамаштабнага ўварвання Расіі ва Украіну ён у сацсетках выказваўся супраць вайны і публікаваў справаздачы аб гуманітарнай дапамозе жыхарам Чарнігаўскай вобласці.
Юрый Ташкінаў — гомельскі прадпрымальнік, рэзідэнт гарадскога тэхнапарка. У 2018 годзе ён распрацаваў мабільную праграму для пошуку выканаўцаў розных паслуг.
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары