Максім Бутранец прызначаны новым начальнікам Брэсцкай памежнай групы загадам ад 1 жніўня, паведаміла прэс-служба Брэсцкага аблвыканкама.
Новага начальніка Брэсцкай памежнай групы імя Дзяржынскага прадставіў старшыня Дзяржаўнага памежнага камітэта Рэспублікі Беларусь Канстанцін Моластаў.
Максім Бутранец нарадзіўся ў 1978 годзе ў расійскім Свярдлоўску. У 2001 годзе скончыў Вайсковую Акадэмію РБ (памежны факультэт), у 2008 годзе скончыў Акадэмію федэральнай службы бяспекі РФ.
Быў намеснікам начальніка Гомельскай памежнай групы. У ліпені 2015 года прызначаны начальнікам Пінскага пагранатрада. З 2018 да 2021 г. узначальваў Смаргонскую памежную групу.
Мінулы начальнік Брэсцкай памежнай групы Ігар Гутнік у ліпені быў прызначаны намеснікам старшыні Дзяржпагранкамітэта. Ён заняў месца звольненага ў запас Сяргея Новікава.
У канцы мая змяніўся і начальнік ДПК. Ім стаў Канстанцін Моластаў, які адказваў за Брузгі ў час атакі мігрантамі на Польшчу. Начальнік ДПК Анатоль Лапо быў адпраўлены ў запас.
-
«Люблю сваю працу» — напісаў у сацсетках беларускі міліцыянер у балаклаве. Яму адказалі жорстка
-
Юрконіс пра закрыццё межаў: Давайце не думаць яшчэ пра Пецю або Машу з Баранавічаў, якія хочуць зарабіць дзесьці там у Беластоку
-
«Гэты гук як катаванне вадой — спаць немагчыма». Мінчук скардзіцца на гул, які даносіцца з падвала
Каментары