Змітра Дашкевіча перавезлі ў жодзінскае СІЗА, што робіць магчымым пасылаць яму пераводы і бандэролі
Пра тое, што Зміцер Дашкевіч цяпер у жодзінскім СІЗА, паведаміла ў сацыяльных сетках ягоная жонка, Наста Дашкевіч.
«Я не ведаю, навошта яшчэ ўсе гэтыя прыгоды. Навошта пазбаўляць чатырох дзяцей таты. Мы ціха адседзелі свой цяжкі тэрмін, спаўна сплацілі сваё. І аддалі нават болей, чым маглі», — напісала Наста, падаўшы таксама цытату з ліста ад мужа.
«У нейкі час я пачаў успрымаць каханне як належнае і тое, што само сабою мае быць. А яно не належнае — гэта падарунак Неба, святы дар, які трэба берагчы і шанаваць. І яно не само сабою мае быць — каханне трэба ачышчаць ад пустазелля, зерне кахання трэба збіраць ашчадна, правейваць і рабіць муку, каб шторанак пячы з яе булачку для сваёй каханай!
І вось я тут — у гэтым жаху. І згарэла ўсё пустазелле, і камяні нават палопаліся ад пекла, якое я праходжу, і сталіся пылам, а зерне кахання ўзыходзіць, і каласуе, і хутка дасць плод стакроць.
І я спяку табе і вам багата смачных булачак, якія будуць раставаць у вуснах вашых! Я буду пячы іх вам кожны ранак».
У ліпені мінулага года Змітру Дашкевічу прысудзілі 1,5 года калоніі. Вызваліцца ён меў учора, 11 ліпеня, але яго, выпусціўшы, адразу ж затрымалі зноў, адкрыўшы новую крымінальную справу за «непадпарадкаванне адміністрацыі».
Грашовыя пераводы і бандэролькі Змітру Дашкевічу можна дасылаць на адрас: г. Жодзіна, вул. Савецкая 22А, Турма N8, 222160.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары