Пакуль няма фінальнага рашэння адносна ўдзелу прэзідэнта Уладзіміра Зяленскага ў Віленскім саміце NATO 11-12 ліпеня. Пра гэта віцэ-прэм'ер у пытаннях еўрапейскай і еўраатлантычнай інтэграцыі Вольга Стэфанішына расказала ў інтэрв'ю «Еўрапейскай праўдзе».
«Яшчэ не прынялі ніякіх канчатковых рашэнняў [наконт візіту]. Мы да канца не разумеем фармату ўсіх сустрэч у Вільні і да канца не разумеем пастаноў, якія будуць фізічна пакладзеныя на стол.
Гэта значыць, мадэлюем сітуацыю: Вільня, адбываецца пасяджэнне Рады Украіна — NATO, выступ прэзідэнта на самім саміце. На стале перад лідарамі ляжаць фінальныя дакументы, якія прапануюць прыняць па выніках саміту. Вось мы цяпер не ведаем, што будзе ў гэтых дакументах», — сказала яна.
Са слоў Стэфанішынай, ад фінальных дакументаў будзе залежаць, ці паедзе прэзідэнт Украіны на саміт.
«Увесь гэты тыдзень і папярэднія месяцы мы правялі ў камунікацыі з саюзнікамі. Прэзідэнт здзейсніў шэраг візітаў асабіста. Ён паехаў у Турцыю весці адпаведныя перамовы. І яго роля, я думаю, будзе вызначальнай і ў рашэннях, якія могуць быць прыняты па Швецыі. Гэта вельмі важна. Таму што мы думаем не толькі за сябе, але і за сяброў, скажам так.
І працягваюцца перамовы, якія вядзе Ярмак па гарантыях бяспекі. Працягваецца работа па фінальных дакументах. Ніякіх рашэнняў яшчэ не прынята», — дадала Стэфанішына.
7 ліпеня генеральны сакратар NATO Енс Столтэнберг абвясціў, што прэзідэнт Зяленскі возьме ўдзел у саміце NATO ў Вільні ў рамках пачатку новага фармату ўзаемадзеяння Украіны з Альянсам. Столтэнберг не ўдакладніў фармату ўдзелу прэзідэнта ў пасяджэнні.
Цяпер чытаюць
Сілавікі расказалі, за што правялі хапун на тэнісным матчы5
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары