Pakul niama finalnaha rašeńnia adnosna ŭdziełu prezidenta Uładzimira Zialenskaha ŭ Vilenskim samicie NATO 11-12 lipienia. Pra heta vice-premjer u pytańniach jeŭrapiejskaj i jeŭraatłantyčnaj intehracyi Volha Stefanišyna raskazała ŭ intervju «Jeŭrapiejskaj praŭdzie».
«Jašče nie pryniali nijakich kančatkovych rašeńniaŭ [nakont vizitu]. My da kanca nie razumiejem farmatu ŭsich sustreč u Vilni i da kanca nie razumiejem pastanoŭ, jakija buduć fizična pakładzienyja na stoł.
Heta značyć, madelujem situacyju: Vilnia, adbyvajecca pasiadžeńnie Rady Ukraina — NATO, vystup prezidenta na samim samicie. Na stale pierad lidarami lažać finalnyja dakumienty, jakija prapanujuć pryniać pa vynikach samitu. Voś my ciapier nie viedajem, što budzie ŭ hetych dakumientach», — skazała jana.
Sa słoŭ Stefanišynaj, ad finalnych dakumientaŭ budzie zaležać, ci pajedzie prezident Ukrainy na samit.
«Uvieś hety tydzień i papiarednija miesiacy my praviali ŭ kamunikacyi z sajuźnikami. Prezident ździejśniŭ šerah vizitaŭ asabista. Jon pajechaŭ u Turcyju vieści adpaviednyja pieramovy. I jaho rola, ja dumaju, budzie vyznačalnaj i ŭ rašeńniach, jakija mohuć być pryniaty pa Šviecyi. Heta vielmi važna. Tamu što my dumajem nie tolki za siabie, ale i za siabroŭ, skažam tak.
I praciahvajucca pieramovy, jakija viadzie Jarmak pa harantyjach biaśpieki. Praciahvajecca rabota pa finalnych dakumientach. Nijakich rašeńniaŭ jašče nie pryniata», — dadała Stefanišyna.
7 lipienia hienieralny sakratar NATO Jens Stołtenbierh abviaściŭ, što prezident Zialenski voźmie ŭdzieł u samicie NATO ŭ Vilni ŭ ramkach pačatku novaha farmatu ŭzajemadziejańnia Ukrainy z Aljansam. Stołtenbierh nie ŭdakładniŭ farmatu ŭdziełu prezidenta ŭ pasiadžeńni.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary