Паводле інфармацыі Цэнтра медыцынскага рэагавання Міністэрства аховы здароўя, у ДТЗ у Смалявіцкім раёне на трасе P59 пацярпелі 5 чалавек.
Усім пяцярым дарослым брыгады хуткай меддапамогі аказалі першасную медыцынскую дапамогу, затым пацярпелых шпіталізавалі ў Смалявіцкую ЦРБ.
У пацярпелых дыягнаставалі траўмы рознай ступені цяжкасці, у тым ліку чэрапна-мазгавыя, пераломы, пашкоджанні ўнутраных органаў. Двое пацярпелых, у якіх дыягнаставалі розныя складаныя спалучаныя траўмы, шпіталізаваныя ў аддзяленне анестэзіялогіі і рэанімацыі.
На месцы здарэння працавалі спецыялісты хуткай медыцынскай дапамогі і супрацоўнікі ДАІ.
Падрабязнасці паведамілі ў ДАІ Мінскай вобласці.
«29-гадовы мужчына, кіруючы аўтамабілем Citroen Xantia, ехаў з боку Чэрвеня ў кірунку Смалявічаў. Пры абгоне ён выехаў на паласу сустрэчнага руху і сутыкнуўся з сустрэчным аўтамабілем Volkswagen Passat. У выніку ДТЗ атрымалі цялесныя пашкоджанні кіроўцы аўтамабіляў, а таксама двое пасажыраў аўтамабіля Citroen Xantia 2002 і 1991 гадоў нараджэння», — распавяла прадстаўніца ДАІ Мінскага аблвыканкама Ірына Сапунова.
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2020
Каментары