Улады паабяцалі Гуджэроці дапамагчы ў аднаўленні касцёла ў Будславе
Дзяржава дапаможа ў аднаўленні святыні ў Будславе. Пра гэта заявіў старшыня Мінскага аблвыканкама Аляксандр Турчын 1 ліпеня на сустрэчы з папскім легатам арцыбіскупам Клаўдзіа Гуджэроці.
Клаўдзіа Гуджэроці прыбыў у Беларусь у якасці спецыяльнага пасланніка Папы Рымскага Францішка для ўдзелу ў святкаваннях, прымеркаваных да 25-й гадавіны Каранацыі абраза Маці Божай Будслаўскай.
Штогадовы Будслаўскі фэст сёлета праходзіць з 30 чэрвеня па 1 ліпеня і быў прымеркаваны да 25-годдзя каранацыі цудадзейнага абраза Маці Божай Будслаўскай.
Сустрэча папскага легата з кіраўніком Мінскай вобласці адбылася ў касцёле ў Будславе.
«Дзяржава гатовая паўдзельнічаць у аднаўленні храма. Трэба падрыхтаваць праектную дакументацыю, каб у наступным годзе можна было ўжо выдзяляць фінансаванне», — сказаў старшыня Мінскага аблвыканкама.
Якія саступкі на карысць беларускага рэжыму з боку Ватыкана і Каталіцкай царквы ў Беларусі ўзамен прапанаваў Гуджэроці, не паведамляецца.
Таксама на сустрэчы абмяркоўвалася прыцягненне ў Будслаў турыстаў і пілігрымаў, у тым ліку з Заходняй Еўропы, бо ім «можа быць цікава не толькі ўбачыць касцёл, але і пабываць у іншых кутках Нарачанскага краю, паглядзець прыродную прыгажосць».
Пажар у будслаўскім касцёле адбыўся ў маі 2021 года, у выніку якога згарэў дах. Для рамонту касцёла пасля таго былі адкрытыя дабрачынныя рахункі. Планы па рэстаўрацыі пасля пажару распісаныя на 11 гадоў.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца5
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2020
Каментары
ён нейкі неізяшчны