Вайна

Украіна заняла 13 квадратных кіламетраў на фронце за час бунту Прыгожына

Узброеныя сілы Украіны прасунуліся на 13 квадратных кіламетраў на адным з кірункаў фронту за час бунту Яўгена Прыгожына ў Расіі, вынікае з карты праекта DeepState. Поспехі Украіны на гэтым кірунку пацвярджаюць УСУ і блізкі да Мінабароны РФ канал «Рыбарь», піша «Агентство».

Украінскія салдаты абстрэльваюць расійскія пазіцыі на перадавой у Запарожскай вобласці, 24 чэрвеня 2023 г. Фота: AP Photo / Яфрэм Лукацкі

Намеснік міністра абароны Украіны Ганна Маляр вечарам 24 чэрвеня паведаміла, што Усходняй групоўцы войскаў удалося прасунуцца ў напрамку Арэхава-Васілеўкі, Бахмута, Багданаўкі, Ягаднага, Кляшчыеўкі і Курдзюмаўкі.

Карта аналітычнага праекта DeepState пацвердзіла прасоўванне на 1,5 кіламетра ў раёне Арэхава ў бок Рабоціна і на 11 кіламетраў на Урэмеўскім выступе — у раёне сёлаў Прыютнае і Макараўка. Паводле звестак і Маляр, і аналітыкаў, расійскім войскам за гэты час не ўдалося прасунуцца ні ў адным кірунку, нягледзячы на спробы.

Блізкі да Мінабароны РФ тэлеграм-канал «Рыбарь» пацвярджае прасоўванне УСУ на арэхаўскім участку фронту, дзе ідзе «самы інтэнсіўны ціск». Ён пацвердзіў плошчу прасоўвання ўкраінцаў на 1,5 квадратнага кіламетра на поўнач ад Рабоціна. Ваенкар сцвярджае, што на ўчастак перакінута падмацаванне ў выглядзе спецназа.

Расійскія войскі ў ноч на 24 чэрвеня ўчынілі найбуйнейшую за апошнія месяцы серыю ракетных удараў па Украіне, як паведаміў Інстытут вывучэння вайны.

Паводле звестак Генштаба Украіны, расійскія сілы запусцілі 40 крылатых ракет Х-101/Х-555, дзевяць крылатых ракет Х-22 і дзве крылатыя ракеты «Калібр», а таксама дзве зенітныя ракеты С-300 і тры беспілотнікі «Шахед-131/136». УСУ ўдалося збіць большую частку ракет і два беспілотнікі. Паводле інфармацыі МУС Украіны, адна з ракет у Кіеве трапіла ў 25-павярховы дом — тры чалавекі загінулі, 14 параненыя. Мінабароны Расіі паведаміла, што ракеты трапілі ва ўкраінскія цэнтры радыёэлектроннай выведкі, абсталяванне на аэрадроме і склады гаручага.

Праект Oryx 24 чэрвеня ў спіс страт украінскай арміі дадаў 16 адзінак тэхнікі, расійскай — 59 адзінак.

У сераду прэм'ер-міністр Украіны Дзяніс Шмыгаль паведаміў, што агульная плошча тэрыторыі, занятая УСУ ў часе контрнаступлення, складае больш за 113 квадратных кіламетраў.

Каментары

Цяпер чытаюць

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе

Усе навіны →
Усе навіны

Смерць удовам. Археолаг расказаў пра знаходку, якая сведчыць пра жудасны звычай першых славян на Беларусі29

Бум на матчу па ўсім свеце: попыт расце, запасы змяншаюцца5

Пяць парад, як проста пазбавіцца ад паху і плям поту на адзенні3

Расіяне тры гадзіны білі па Харкаве КАБамі, балістыкай і шахедамі. Здзейснена камбінаваная атака на Дняпро2

«Купалаўцы» анансавалі пачатак новага тэатральнага сезона1

Пасажырка «не ўклалася ў таймінг» падчас санітарнага прыпынку — міжнародны аўтобус паехаў без яе5

Стаў вядомы лёс збеглых дзікабразаў у Рэчыцкім раёне2

Берасцеец увозіў у Польшчу бярозавае палена. Аказалася, гэта костка маманта2

Выдаліў акаўнт, пачысціў тэхніку — і ўсё адно прыйшлі. Мікіта Лосік расказаў, як яго вылічылі сілавікі25

больш чытаных навін
больш лайканых навін

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе

Галоўнае
Усе навіны →

Заўвага:

 

 

 

 

Закрыць Паведаміць