«Інвестар збег». Стаў вядомы лёс вялікага недабудаванага ГЗЦ у Каменнай Горцы
Горад прыняў рашэнне забраць у інвестара недабудаваны ГЗЦ «Мегапарк» у Каменнай Горцы, пра гэта паведаміла першая намесніца старшыні Мінгарвыканкама Надзея Лазарэвіч. Realt.by расказвае, што гэта за ГЗЦ і што з ім можа быць далей.
ГЗЦ «Мегапарк» знаходзіцца на скрыжаванні Казіміраўскай і Каменнагорскай. Яго пачалі будаваць па інвестдагавору яшчэ ў 2012 годзе, але ўсё ішло з пераменным поспехам.
Першапачаткова яго планавалі адкрыць у 2017 годзе, але потым адкрыццё перанеслі на 2020 год.
У планах быў вялікі і сучасны ГЗЦ з лядовай арэнай і кінатэатрам. Будынак у выніку амаль дабудавалі, але працы спыніліся. У такім выглядзе ГЗЦ стаіць ужо некалькі гадоў.
Замоўцам будаўніцтва было ТАА «Вінтэраінвест» з замежным капіталам. Па словах Надзеі Лазарэвіч, замежны інвестар збег.
— Таму горад забірае «Мегапарк» і будзе дабудоўваць яго сам, калі не знойдзецца новы інвестар. Цяпер мы чакаем рашэння суда, каб выканаць вызначаную законам працэдуру па перадачы недабудаваных аб'ектаў гораду. І будаўнічыя работы плануем аднавіць у 2024 годзе, калі ўрэгулююцца ўсе судовыя пытанні.
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары