Грамадства44

Што адбываецца ў Полацкім універсітэце пасля хвалі затрыманняў

Кіраўніцтва настойвае, што Полацкі дзяржаўны ўніверсітэт працуе «ў нармальным рэжыме», пакуль загадчыкі кафедраў збіраюцца пакідаць пасады.

Выкладчыкі і студэнты Полацкага дзяржаўнага ўніверсітэта імя Еўфрасінні Полацкай. Фота: psu.by

Учора паведамлялася, што з універсітэта звольнілі траіх супрацоўнікаў.

Адміністрацыя ўніверсітэта пацвердзіла «Нашай Ніве», што працоўныя адносіны спыненыя з дацэнтам кафедры гісторыі і турызму Віктарам Чараўкам ды дацэнтам кафедры канстытуцыйнага права і дзяржкіравання Сяргеем Глазырыным.

Прычыну іх звальнення не назвалі.

Пры гэтым у адміністрацыі абвяргаюць інфармацыю аб звальненні кандыдата гістарычных навук, намесніка дэкана інжынерна-будаўнічага факультэта Юрыя Кежы.

Учора BPN паведамляў таксама, што шэсць загадчыкаў кафедраў ПДУ напісалі заявы аб звальненні, каб не быць датычнымі да палітычнага пераследу калег.

Па інфармацыі «Нашай Нівы», загадчыкі кафедраў напісалі заявы аб пераводзе на звычайную выкладчыцкую працу, ва ўніверсітэце яны застаюцца.

У адміністрацыі тым часам настойваюць: ва ўніверсітэце «ўсё нармальна».

«Студэнты здаюць сесію, дыпломнікі бароняцца, і ўсе працуюць у нармальныя рэжыме. Нічога складанага і сур’ёзнага няма», — заявіў яе прадстаўнік.

Што вядома пра звольненых выкладчыкаў

Чараўка і Глазырын былі затрыманыя разам з іншымі калегамі 23 мая (тады сілавікі затрымалі блізу паўтара дзясятка супрацоўнікаў універсітэта) і абвінавачаныя ў «распаўсюдзе экстрэмісцкай інфармацыі». Чараўка адседзеў пад адміністрацыйным арыштам 13 дзён, а Глазырын — 15 дзён.

Віктар Чараўка. Фота: psu.by

Кандыдат гістарычных навук Віктар Чараўка — аўтар больш чым 70 навуковых публікацыяў.

Сяргей Глазырын пісаў кандыдацкую дысертацыю па тэме «Паўстанне 1863 года ў Віцебскай і Магілёўскай губернях». Абараніў яе ў 2017 годзе.

Яго навуковым кіраўніком быў Ігар Марзалюк. У Глазырына больш чым 20 апублікаваных навуковых работ.

Сяргей Глазырын. Фота: psu.by

Хто яшчэ трапіў пад пераслед

Раней студэнты дазналіся, што звольнены выкладчык фізкультуры Сяргей Рыкун.

Пасля затрыманняў 23 мая па 10 дзён адміністрацыйнага арышту прысудзілі выкладчыцы кафедры сусветнай літаратуры і замежных моў Алене Храмцовай і дацэнту кафедры геадэзіі і геаінфармацыйных сістэм Галіне Шараглазавай.

Ці застаюцца яны ва ўніверсітэце, невядома.

77-гадовую кандыдатку гістарычных навук, былую загадчыцу кафедры архітэктуры Галіну Захаркіну аштрафавалі на 2960 рублёў.

29 і 30 сакавіка затрымлівалі таксама супрацоўнікаў Полацкага гісторыка-культурнага запаведніка.

Сярод іх былая дырэктарка Тамара Джумантаева, наваполацкія фатографы Кірыл Смалякоў і Ігар Супранёнак, кандыдат філасофскіх навук, супрацоўнік Музея кнігадрукавання ў Полацку Ігар Бортнік.

Масавыя палітычныя рэпрэсіі ў Беларусі працягваюцца пасля выбараў 2020 года. За гэты час у краіне адбылося каля 50 тысяч палітычна матываваных затрыманняў, заведзеныя каля 12 тысяч палітычна-крымінальных спраў і адкінутыя базавыя нормы законнасці і маралі.

«Наша Нiва» — бастыён беларушчыны

ПАДТРЫМАЦЬ

Глядзіце таксама:

У Полацку затрымалі ўніяцкага святара і 77-гадовую жанчыну

Алег Трусаў: Наступны прэзідэнт Беларусі будзе беларускамоўным, я ў гэтым не сумняваюся

Мінадукацыі: Адтэрміноўкі ад арміі для студэнтаў, якія вучацца за мяжой, застануцца толькі ў асобных выпадках

«За шэсць тыдняў даведалася больш, чым за пяць гадоў універсітэта». Настаўніца з Баранавіч паехала па абмене ў ЗША і змяніла жыццё

Каментары4

  • даведка
    15.06.2023
    Всё образование уничтожают выходцы из гродненского госуниверситета: Король, Романов, Китурко, Романовский...
  • Ясно
    15.06.2023
    Лукашенко выполняет главную задачу и цель, - передачу власти и нажитого непосильными трудами своему коле, а для этого, белорусы, должны перестать быть белорусами, должны стать иванами безродными русского мира.
    Выполнение этой задачи возможно только тогда, когда белорусы станут пьяными и дурными, для этого и уничтожается учительство, профессура и врачи, иначе, белорусы, остануться белорусами.
  • Valadzimir
    16.06.2023
    Ясно, вабшчэта белоруссы і ёсьць иваны безродные русского мира. Яны ў ім (у Расейскай імперыі) ўзьніклі, і іхнае месца толькі ў ім - у якасьці, як гэта пачынае выглядаць, абслугоўваючага насельніцтва расейскага "заходнягя лімітрофа". 

Цяпер чытаюць

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння3

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння

Усе навіны →
Усе навіны

У Амурскай вобласці Расіі дзяўчына выпадкова выкінула $75 тысяч. Увішныя суседзі знайшлі на сметніку: частку прапілі, на рэшту купілі дом1

На вуліцы Матусевіча ў Мінску побач з дзіцячым садком упаў беспілотнік38

Камандарм Літвы: Можа быць і так, што ніякі аб'ект у Літву з Беларусі і не залятаў4

У ахоўніка Пуціна заўважылі ў руках невядомую прыладу. Эксперты вызначылі яго як дрон-перахопнік4

Расія ўдарыла па калоніі ў Запарожскай вобласці. Загінулі 16 чалавек

«Фантастычная чацвёрка: Першыя крокі» — новы блакбастар з супергероямі і Педра Паскалем. Там згадваецца і Мінск3

Як змяніліся беларусы пасля 2020 года? Цікавае назіранне былога палітвязня8

Украінскія беспілотнікі атакавалі буйны чыгуначны вузел у Растоўскай вобласці2

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе8

больш чытаных навін
больш лайканых навін

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння3

Трамп: Расія мае толькі 10 дзён, каб спыніць вайну супраць Украіны. Яны пачынаюцца сёння

Галоўнае
Усе навіны →

Заўвага:

 

 

 

 

Закрыць Паведаміць