Калі леташнім дзіцячым «хітом» быў Хагі Вагі — персанаж гульні жахаў, дзе сіняя істота абдымае, каб забіць, — сёлета набірае папулярнасць больш прыязная мяккая цацка — белая гусь. Гіганцкія гусі прадаюцца на сувенірных прылаўках па ўсёй Польшчы, і на вуліцах з імі можна ўбачыць не толькі дзяцей, але і дарослых. Адкуль пайшла гэта мода?
Як піша Onet.pl, цацку папулярызаваў TikTok, а пачалося ўсё з сапраўднай гускі Піпы — інтэрнэт-карыстальнікі масава каментуюць новыя відэа з яе ўдзелам.
Уладальніца гускі Магдалена Магіера купіла жывёліну на фермерскім рынку, і цяпер птушка жыве на возеры Тарнабжэгскае.
Гуска праславілася тым, што пасябравала з Камілем, які спыняўся на возеры.
— Каміль ішоў, Піпа падыходзіла да машыны, ён з ёй размаўляў. Яна рушыла ўслед за ім, і, мабыць, спалучэнне яго выгляду і голасу зрабіла такі эфект, — распавяла Магдалена Магіера польскаму тэлебачанню.
Мужчына запісвае відэа ў тыктоку, у якіх ён размаўляе з гускай і паказвае яе будні. Ролікі Каміля набіраюць сотні тысяч праглядаў, і на сваім профілі ён сабраў амаль паўмільёна гледачоў.
Чытайце яшчэ:
Галоўны монстр 2022 года: хто такі Хагі Вагі, ад якога ўсе фанацеюць?
У Нідэрландах кот учыніў патоп у ратушы. Шкода ацэньваецца ў 20 тысяч еўра
Цяпер чытаюць
За палітыку асудзілі шматдзетнага бацьку-верніка. Яго жонка памерла два гады таму2
Каментары