Грамадства55

«Францішак памятае тату і моліцца за яго…» Як сям'я Севярынцаў тры гады жыве без бацькі і мужа

Жонка Паўла Севярынца распавяла «Народнай Волі», як прайшоў гэты час.

Нагадаем, што палітык быў затрыманы ў Мінску 7 чэрвеня 2020 года. Пазней у дачыненні да яго было вынесена тры пастановы аб адміністрацыйных арыштах за ўдзел у перадвыбарных пікетах і заклікі да ўдзелу ў масавых мерапрыемствах.

Пасля 75 сутак адміністрацыйнага арышту Паўла Севярынца не выпусцілі на волю, а перавялі ў СІЗА № 1 у статусе падазраванага па арт. 293 КК (арганізацыя масавых беспарадкаў).

У выніку палітык быў асуджаны на сем гадоў калоніі ўзмоцненага рэжыму.

Адбывае пакаранне Павел Севярынец у шклоўскай папраўчай калоніі № 17.

— Якімі былі для нашай сям’і гэтыя тры гады? — кажа Вольга Севярынец. — З аднаго боку, гэта былі вельмі складаныя і балючыя гады. А з іншага — гэта гады веры, надзеі і любові, таму што было шмат добрых сустрэч, шмат падтрымкі ад людзей, шмат напоўненых каханнем лістоў ад Паўла.

І шмат было малітваў, у якіх вера і надзея, што ўсё кепскае Госпад зможа перамяніць на дабро і наступіць дзень, калі мы зноў будзем разам: Паша, Францішак, я, нашы бацькі.

— Калі Паўла затрымалі, малому Францішку было ўсяго два гады…

— Зараз гэта ўжо сур’ёзны хлопец — вясной яму споўнілася пяць гадоў. Ён, безумоўна, вельмі змяніўся апошнім часам, але ўсё адно памятае тату, моліцца за яго, чакае. З такім унутраным сцісканнем слухае гісторыі пра Паўла, пры гэтым заўсёды ўнутрана засяроджваецца, уважліва слухае. Яму вельмі цікава пра тату слухаць.

А Паша нязменна піша Францішку асобныя лісты ад таты сыну.

— Ёсць у Францішка ўжо нейкія здольнасці?

— Інтарэсы дзяцей нярэдка змяняюцца. Адзінае, відаць, што ў сына праяўляецца моцная воля, севярынцаўская настойлівасць, якую я ніяк і нічым не магу перамагчы.

Калі Францішку нешта патрэбна, то ён упарта будзе стаяць на сваім, пакуль не дасягне таго, што ён хоча.

Увогуле, сын любіць маляваць, бо ў гэтым плане ў яго ідзе параўнанне з татам. Паша дасылае яму лісты з турмы з малюнкамі, і сын таксама яму ў адказ малюе.

Але зараз у Францішка любімая цацка — самакат. Гойсае на ім па дварэ, як эстрэмал.

— Ці ёсць нейкія апошнія навіны ад Паўла?

— Пэўны перыяд Паша быў у штрафным ізалятары, а цяпер яго змясцілі на тры месяцы ў ПКТ (памяшканне камернага тыпу). З сувязі з мужам засталіся толькі рэдкія лісты ад яго…

Каментары5

  • Acab
    09.06.2023
    Вядома, я не падзяляю рэлігійнага фундамэнталізму Паўла.
    Але ён годны прыклад мужчыны. Гэдак жа і яго сям'я прыстойная: жонка надзейная, дзеткі бацькоўскія, а ня школьныя.
    Найлепшага зычу, трымайцеся.
  • Acab
    09.06.2023
    Praūda, напраўду самая ідэя ўсеагульнае дармовае адукацыі накіраваная на зьнішчэньне сям'і.
  • некрасов
    09.06.2023
    Acab, один из самых порядочных политиков . Хоть я  атеист --  но за Павла проголосую.

Цяпер чытаюць

Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма1

Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма

Усе навіны →
Усе навіны

Муралы, інтэрактыўныя лаўкі і рыцары. Як Ліда пераўтвараецца да Дня беларускага пісьменства5

Беларускія санаторыі раскупляюць за паўгода, цэны на восень выраслі1

Колькасць верыфікаваных расіян, якія загінулі на вайне з Украінай, дасягнула 130 тысяч чалавек7

Пінчанка, што рассылала па пошце макулатуру накладным плацяжом, атрымала рэальны тэрмін

Пасля папярэджання МАРГ «Аплаці» адмовілася ад увядзення абанплаты за праезд2

Dana Holdings пазбегла санкцый ЕС: кампанію падмянілі на фірму-пустышку3

Украінскі дрон выклікаў пажар у лесе побач з палацам Пуціна ў Геленджыку

«Вырашаецца пытанне з пляцоўкай». Канцэрт Макса Каржа ў Казахстане ўсё ж можа адбыцца5

«Што вы гадасць амерыканскую падсоўваеце?» Лукашэнка загадаў, каб у Мак.by было ўсё беларускае29

больш чытаных навін
больш лайканых навін

Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма1

Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма

Галоўнае
Усе навіны →

Заўвага:

 

 

 

 

Закрыць Паведаміць