«Пасля зімы заўсёды прыходзіць вясна». Больш за 100 нобелеўскіх лаўрэатаў запатрабавалі вызваліць Алеся Бяляцкага
У дзень салідарнасці з беларускімі палітвязнямі міжнародная праваабарончая арганізацыя Pen International выпусціла адкрыты ліст з патрабаваннем вызваліць Алеся Бяляцкага і іншых палітзняволеных.
Пад лістом падпісаліся 103 нобелеўскія лаўрэаты па літаратуры, эканоміцы, фізіцы, хіміі, фізіялогіі і медыцыне, а таксама ўладальнікі Нобелеўскай прэміі міру.
Сярод падпісантаў і Святлана Алексіевіч.
«Бяляцкі — гэта сімвал надзеі і натхнення для праваабаронцаў ва ўсім свеце, а сам свет заслугоўвае пачуць голас Бяляцкага. Ён знайшоў у сабе смеласць выступіць супраць Аляксандра Лукашэнкі, супраць яго жорсткіх, нястомных і сістэматычных рэпрэсій у дачыненні да беларускага народа», — гаворыцца ў адкрытым лісце нобелеўскіх лаўрэатаў.
У лісце таксама гучыць заклік да неадкладнага вызвалення Марфы Рабковай, Валянціна Стэфановіча, Уладзіміра Лабковіча, Леаніда Судаленкі, Андрэя Чапюка і іншых cяброў «Вясны».
«Мы падтрымліваем мноства пісьменнікаў, журналістаў, работнікаў культуры, праваабаронцаў і ўсіх тых грамадзян Беларусі, якія адбываюць турэмныя тэрміны за мірнае выказванне сваіх поглядаў і дэманстрацыю праўды. Мы падтрымліваем адважны народ Беларусі, які працягвае змагацца за свае правы», — пішуць нобелеўскія лаўрэаты.
У канцы адкрытага ліста лаўрэаты прывялі цытату самога Бяляцкага: «Пасля зімы заўсёды прыходзіць вясна».
Цяпер чытаюць
Рыта Дакота набыла дом за некалькі мільёнаў даляраў каля Галівуда2
Рыта Дакота набыла дом за некалькі мільёнаў даляраў каля Галівуда
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары