«Paśla zimy zaŭsiody prychodzić viasna». Bolš za 100 nobieleŭskich łaŭreataŭ zapatrabavali vyzvalić Alesia Bialackaha
U dzień salidarnaści ź biełaruskimi palitviaźniami mižnarodnaja pravaabarončaja arhanizacyja Pen International vypuściła adkryty list z patrabavańniem vyzvalić Alesia Bialackaha i inšych palitźniavolenych.
Pad listom padpisalisia 103 nobieleŭskija łaŭreaty pa litaratury, ekanomicy, fizicy, chimii, fizijałohii i miedycynie, a taksama ŭładalniki Nobieleŭskaj premii miru.
Siarod padpisantaŭ i Śviatłana Aleksijevič.
«Bialacki — heta simvał nadziei i natchnieńnia dla pravaabaroncaŭ va ŭsim śviecie, a sam śviet zasłuhoŭvaje pačuć hołas Bialackaha. Jon znajšoŭ u sabie śmiełaść vystupić suprać Alaksandra Łukašenki, suprać jaho žorstkich, niastomnych i sistematyčnych represij u dačynieńni da biełaruskaha naroda», — havorycca ŭ adkrytym liście nobieleŭskich łaŭreataŭ.
U liście taksama hučyć zaklik da nieadkładnaha vyzvaleńnia Marfy Rabkovaj, Valancina Stefanoviča, Uładzimira Łabkoviča, Leanida Sudalenki, Andreja Čapiuka i inšych ciabroŭ «Viasny».
«My padtrymlivajem mnostva piśmieńnikaŭ, žurnalistaŭ, rabotnikaŭ kultury, pravaabaroncaŭ i ŭsich tych hramadzian Biełarusi, jakija adbyvajuć turemnyja terminy za mirnaje vykazvańnie svaich pohladaŭ i demanstracyju praŭdy. My padtrymlivajem advažny narod Biełarusi, jaki praciahvaje zmahacca za svaje pravy», — pišuć nobieleŭskija łaŭreaty.
U kancy adkrytaha lista łaŭreaty pryviali cytatu samoha Bialackaha: «Paśla zimy zaŭsiody prychodzić viasna».
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny4
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary