Зяленскі сустрэўся з Папам Францішкам і зрабіў яму незвычайныя падарункі
Сёння прэзідэнт Украіны Уладзімір Зяленскі ў рамках свайго візіту ў Італію наведаў Ватыкан, дзе ў Апостальскім палацы меў саракахвілінную сустрэчу з Папам Рымскім Францішкам.
Гэта другая асабістая сустрэча Папы з Зяленскім пасля аўдыенцыі ў 2020 годзе і першая пасля пачатку вайны ва Украіне, паведаміла прэс-служба Ватыкана.
Падчас сустрэчы ў асноўным абмяркоўваліся гуманітарныя пытанні. Францішак запэўніў Зяленскага ў сваіх пастаянных малітвах за мір пачынаючы з лютага мінулага года.
Пры канцы сустрэчы Папа паднёс у дар Зяленскаму сімвал міру — бронзавую аліўкавую галінку, а таксама некалькі кніг і дакументаў.
Уладзімір Зяленскі, са свайго боку падарыў Святому Айцу мастацкую кампазіцыю, зробленую з пліты бронекамізэлькі, якая выратавала жыццё ўкраінскаму салдату на полі бою, а таксама карціну пад назвай «Страта», прысвечаную забойству дзяцей падчас канфлікту: на ёй Маці Божая трымае на руках цёмны контур Дзіцятка Езуса.
Чытайце таксама:
Зяленскі сустрэўся ў Італіі з прэзідэнтам краіны
«І тут я выйшаў з сябе». На блаславенне Папы Францішка прынеслі сабаку
Папа Францішак: Фінансавыя скандалы шкодзяць добраму імені Касцёла
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары
што зрэшты магчыма і добра